კონტროლის პალატის წლის შემაჯამებელი შეხვედრა

30 დეკემბერს საქართველოს კონტროლის პალატის თბილისის ოფისში, წლის შემაჯამებელი შეხვედრა გაიმართა. შეხვდრის შემდეგ, კი - წინასაახალწლო მიღება. შეხვდრაზე კონტროლის პალატის თავმჯდომარე ლევან ბეჟაშვილი პალატის თანამშრომლებს 2010 წელს გაწეული სამუშაოების, მიღწევებისა და პრობლემების შესახებ ესაუბრა. აღნიშნულ ღონისძიებას საქართველოს პარლამენტის თავმჯდომარე დავით ბაქრაძე, პარლამენტის საფინანსო-საბიუჯეტო კომიტეტის თავმჯდომარე ზურაბ მელიქიშვილი და კომიტეტის სხვა წევრები ესწრებოდნენ.
მიღებაზე მხატვარ ვანო აბულაძის ნამუშევრების საშობაო გამოფენა გაიმართა.

განსაკუთრებული საჯარო ინტერესის ნუსხა

შესავალი და განმარტებები

ნუსხაში შეტანილი პროგრამა თუ ღონისძიება არის განსაკუთრებული საჯარო ინტერესის არეალში. პროგრამისა თუ ღონისძიების ნუსხაში შეტანით საქართველოს კონტროლის პალატა საჯაროდ აცხადებს, რომ ღონისძიებას, პროგრამას, მის განმახორციელებელ სუბიექტს თუ მთლიანად სისტემას განსაკუთრებულ ყურადღებას მიაქცევს.
პროგრამისა თუ ღონისძიების განსაკუთრებული საჯარო ინტერესის ნუსხაში შეტანა განხორციელდება საქართველოს კონტროლის პალატის მიერ შემუშავებული კრიტერიუმების შესაბამისად და ობიექტურად მოპოვებული ინფორმაციის (მათ შორის აუდიტის შედეგების) საფუძველზე.

წინასწარ განსაზღვრული პერიოდულობით (დასაწყისისთვის 2 წელიწადში ერთხელ) საქართველოს კონტროლის პალატა მოახდენს განსაკუთრებული საჯარო ინტერესის ნუსხის გადახედვა-განახლებას, რაც ნიშნავს არა მხოლოდ პროგრამისა თუ ღონსძიების ნუსხიდან ამოღებას, არამედ ნუსხაში ახლის დამატებასაც.

ახალი რეალობების გათვალისწინებით, საჭიროების შესაბამისად მოხდება არა მხოლოდ ნუსხის, არამედ კრიტერიუმების განახლებაც, რაც ნიშნავს, რომ კრიტერიუმის რაიმე პარამეტრის ცვლილებას ან ახალი კრიტერიუმის შემუშავებას.
იხ. ვრცლად: PDF ვერსია

საქართველოს კონტროლის პალატის 10 პრიორიტეტი 2011 წლისთვის

1. სახელმწიფო ბიუჯეტის სახსრებით წარმართული ჯანმრთელობის დაზღვევის პროგრამები
ამ პროგრამების მიმართ დიდია საზოგადოების ინტერესი, რამდენადაც ემსახურება ერთის მხრივ, ჩვენი საზოგადოების ნაკლებადუზრუნველყოფილი ნაწილის სოციალური ყოფის გაუმჯობესებას, მეორე მხრივ, ადამიანის ჯანმრთელობის შენარჩუნების ფინანსური ხელმისაწვდომობის უზრუნველყოფას. . .

იხ. ვრცლად: PDF ვერსია

2011 წლის 10 პრიორიტეტი

საქართველოს კონტროლის პალატის თავმჯდომარემ, ლევან ბეჟაშვილმა განსაკუთრებული საჯარო ინტერესის ნუსხა და საქართველოს კონტროლის პალატის 2011 წლის პრიორიტეტები დაასახელა.საქართველოს კონტროლის პალატამ შეიმუშავა განსაკუთრებული საჯარო ინტერესის ნუსხა, რომელშიც შესულია ყველა ის ღონისძიება ან პროგრამა, რომლებიც სახეოლმწიფოსათვის განსაკუთრებული მნშვნელობისაა. ნუსხაში შესული პროგრამები და ღონისძიებები შეირჩევა კონტროლის პალატის მიერ განსაზღვრული 5 კრიტერიუმის მიხედვთ. ნუსხაში შესულია 10 ღონისძიება და პროგრამა.
განსაკუთრებული საჯარო ინტერესის ნუსხის გათვალისწინებით მოხდა საქართველოს კონტროლის პალატის 2011 წლის 10 პრიორიტეტის განსაზღვრა:1.სახელმწიფო ბიუჯეტის სახსრებით წარმართული ჯანმრთელობის დაზღვევის პროგრამები
ამ პროგრამების მიმართ დიდია საზოგადოების ინტერესი, რამდენადაც ემსახურება ერთის მხრივ, ჩვენი საზოგადოების ნაკლებადუზრუნველყოფილი ნაწილის სოციალური ყოფის გაუმჯობესებას, მეორე მხრივ, ადამიანის ჯანმრთელობის შენარჩუნების ფინანსური ხელმისაწვდომობის უზრუნველყოფას. ამასთან, მიუხედავად საკმაოდ შთამბეჭდავი მოცულობის საბიუჯეტო ხარჯებისა, შედეგის თვალსაზრისით დადებითი ტენდენციები არ გვაქვს არც სამედიცინო მომსახურების ხარისხის, არც მედპერსონალის ფინანსური პირობების და არც უფლებრივი ინფორმირებულობის კუთხით.2. სოციალური უზრუნველყოფისა და დახმარების სისტემის მართვა
სახელმწიფო ამ მიმართულებით ბიუჯეტის თითქმის მესამედს ხარჯავს, თუმცა სფერო სისტემურად ნაკლოვანია. ერთის მხრივ სახეზეა არასწორი და არაეფექტური მართვა: ბენეფიციართა გამართული ბაზების ფორმირებისა და მონიტორინგის სისტემური მოუწესრიგებლობა; ხოლო მეორეს მხრივ - უმწეოთა კატეგორიის ობიექტური შეფასების კრიტერიუმებისა და სისტემის არსებითი ნაკლოვანებები, რის გამოც სრულად ვერ ხერხდება ზუსტ სამიზნე ჯგუფებამდე (ვინც ყველაზე მეტად საჭიროებს განსაკუთრებულ ზრუნვასა და დახმარებას) საჯარო რესურსების დროულად და ეფექტურად მიწოდება.3. სამედიცინო მომსახურების სისტემა და პროგრამები2011 წლის პრიორიტეტებში სამედიცინო მომსახურების სისტემისა და პროგრამების მოხვედრა განაპირობა 2010 წელს წარმართული აუდიტების შედეგად გამოვლენლმა შედეგებმა. დარღვევებმა დაგვანახა სისტემის არასწორი მართვა: ერთის მხრივ, სამედიცინო მომსახურების გაწევისა და მისი დაფინანსების მეთოდოლოგიის არსებითი ხარვეზები, და მეორეს მხრივ, პროგრამაში სამედიცინო დაწესებულებების მიერ კანონმდებლობის უგულვებელყოფას პირადი სარგებლის მიღების ან ანგარიშვალდებულების თავიდან არიდების მიზნით4. სოფლის მეურნეობის სფეროს მართვა და ფინანსური უზრუნველყოფა
ჩატარებულმა აუდიტებმა სისტემის დაწესებულებებში გამოავლინა არასწორი მართვის შემთხვევები და სხვა კანონდარღვევები, რომლებსაც სისტემური მოწესრიგება სჭირდება. სისტემური მოწესრიგებისთვის კი საჭიროა პრობლემებისა და ნაკლოვანებების მონიტორინგი, იდენტიფიკაცია და სწორი გადაწყვეტილებების მიღება. ამასთანავე, სოფლის მეურნეობის განვითარებას აქვს როგორც ეკონომიკური, ასევე სოციალური მნიშვნელობა - სწორი და ეფექტური სისტემის ჩამოყალიბების შემთხვევაში არსებობს აგრობიზნესისა თუ აგრარულ დარგთან კავშირში მყოფი ბიზნესის სხვა მიმართულებების განვითარების საშუალება.5. გარემოსდაცვითი ღონისძიებები და პროგრამები
გარემოსდაცვითი რეგულაციების დაუცველობა, არაეფექტურობა და სისტემის გაუმართაობა შეიძლება გახდეს გარემოზე საგანგაშო ზემოქმედებისა და ტურიზმის განვითარების შემაფერხებელი ფაქტორი. ამასთან, სფეროს მოწესრიგებას და ეფექტური სისტემის ჩამოყალიბებას შეუძლია საქართველო აქციოს რეგიონულ ლიდერად, ან მნიშვნელოვნად აამაღლოს ქვეყნის ავტორიტეტი საერთაშორისო ასპარეზზე.6. თავდაცვის სფეროს ფინანსური მართვა
თავდაცვაზე მიმართული მნიშვნელოვანი საბიუჯეტო რესურსები განაპირობებს საზოგადოების დაინტერესებას აღნიშნული სფეროს ფინანსური უზრუნველყოფით. ამასთან, გადასახადის გადამხდელთა განსაკუთრებულ ინტერესს წარმოადგენს მათი სახსრებით ფორმირებული საბიუჯეტო ასიგნებები რამდენად ეფექტურად უზრუნველყოფს მათსავე უსაფრთხოებას.7. მეცნიერების მხარდაჭერის სისტემა
თანამედროვე ტექნოლოგიების განვითარება და გლობალური ეკონომიკის მდგომარეობა ცხადჰყოფს, რომ დღეის და სამომავლო გამოწვევაა ახალი მიმართულებების, ახალი ტექნოლოგიების გამოყენებით წარმოებული ბიზნესი; ბიზნესი, რომელსაც შეეძლება ნაკლები ხარჯებით მეტი ეფექტის მიღება. ამ მიმართულებით კი მეცნიერებას, ინოვაციებს, ახალ ტექნოლოგიებს განსკუთრებული მნიშვნელობა აქვს. ქვეყნის ინტელექტუალური პოტენციალი იძლევა ზრდის საშუალებას, სახელმწიფომ კი ხელი უნდა შეუწყოს ინოვაციას და ინტელექტუალური შრომის შედეგების კომერციალიზაციას, მეცნიერება მიმზიდველი უნდა გახდეს ახალი თაობსათვის და ინვესტიციებისათვის.8. პრობაციის სისტემის მართვა
მიმდინარე რეფორმის პირველი შედეგები უკვე არსებობს და უნდა მოხდეს მათი ანალიზი, გაკეთდეს დასკვნები და მიღებულ იქნეს შესაბამისი გადაწყვეტილებები9. სახელმწიფოს საგარეო ვალდებულებების მართვის სისტემა
სახელმწიფოს საგარეო ვალდებულებები ყოველთვის იყო საზოგადოების განსაკუთრებული ინტერესის სფეროში. მომავალ წელს კონტროლის პალატა საკითხს სისტემურად შეისწავლის და საზოგადოებას მიაწვდის ინფორმაციამისი მდგრადობისა თუ ეფექტურობის შესახებ.10. საჯარო ფინანსების მართვის რეფორმა
სახელმწიფოს გაცხადებული გამოწვევა უახლოესი 4-5 წლის განმავლობაში არის საჯარო ფინანსების მართვის, საბიუჯეტო სფეროს მართვის რეფორმა. 2012 წლიდან საქართველოს მთავრობამ საქ2მიანობა პროგრამული ბიუჯეტით უნდა წარმართოს, რისთვისაც მუშაობა 2011 წელს უნდა დაიწყოს. პროგრამული ბუჯეტის დანერგვის კვალობაზე საქართველოს კონტროლის პალატამ უნდა დაიწყოს ეფექტიანობის აუდიტის წარმოება: პროგრამების ეფექტიანობის შეფასება. ამდენად საქართველოს კონტროლის პალატისთვის საჯარო ფინანსების მართვის რეფორმის მიმდინარეობა და შედეგები განსაკუთრებულად აქტუალურია.

„ორგანოთა და ქსოვილთა ტრანსპლანტაციისა და თირკმლის ჩანაცვლებითი თერაპიის სახელმწიფო პროგრამის“ აუდიტი

საქართველოს კონტროლის პალატამ საქართველოს შრომის, ჯანმრთელობისა და სოციალური დაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულება - ჯანმრთელობისა და სოციალური პროგრამების სააგენტოში „ორგანოთა და ქსოვილთა ტრანსპლანტაციისა და თირკმლის ჩანაცვლებითი თერაპიის სახელმწიფო პროგრამის“ (დიალიზის პროგრამის) ფინანსური და შესაბამისობის აუდიტი ჩაატარა. აუდიტი 2007 – 2009 წლების პერიოდს მოიცავს.
აღნიშნული სახელმწიფო პროგრამის მართვაში კონტროლის პალატამ გამოავლინა შემდეგი დარღვევები:
1. დიალიზის სეანსის ღირებულება, რომელიც 2009 წელს 90 ლარიდან 120 ლარამდე გაიზარდა, დადგენილია უსაფუძვლოდ, ყოველგვარი გაანგარიშების გარეშე, რაც საბიუჯეტო სახსრების უკონტროლოდ და არამიზნობრივად ხარჯვას იწვევს, კერძოდ:
1.1. სამინისტრო კომპანია „ვია-ვიტასგან“ ყიდულობს ძვირადღირებულ სადიალიზე მასალას, რომლის ფასი ხელოვნურადაა გაზრდილი. საქართველოში აღნიშნული მასალის ღირებულება, რომელიც პროგრამის 80% ფარავს, 60%-ით აღემატება აღმოსავლეთ ევროპული ქვეყნების ფასებს;
1.2. მითითებული მასალის ფასები 100%-ით აღემატება პროგრამაში გამოყენებული შპს „ჯანის” მიერ მიწოდებული იდენტური ხარისხის მასალის ღირებულებას, რის გამოც ბიუჯეტმა 6 046.8 ათასი ლარით იზარალა;
1.3. ტენდერში გამარჯვებულ სუბიექტებს პროგრამის ფარგლებში ე.წ. დარგის განვითარებისა და არაჯეროვნად შესრულებულ სამუშაოში არამიზნობრივად აუნაზღაურდათ 2 650.0 ათასი ლარი, რითაც სეანსის ღირებულება დამატებით ხელოვნურად გაიზარდა.
აუდიტის დასკვნით, ჯანდაცვის მინისტრის ბრძანებით დადგენილი დიალიზის სეანსის ღირებულება არ უნდა აღემატებოდეს 80 ლარს, რაც 40 ლარით ნაკლებია მოქმედ ფასზე. 2007-2010 წლებში აღნიშნული სხვაობით ბიუჯეტისათვის მიყენებული ზარალის ოდენობამ 14 მილიონი ლარი შეადგინა, რაც ამ წლებში ბიუჯეტიდან პროგრამულად გაწეული ხარჯის 25%-ს შეადგენს.
პროგრამის დასაბუთებული დაანგარიშების საფუძველზე სახელმწიფო ბიუჯეტი წლიურად დაზოგავს 6 მილიონ ლარს.

შენიშვნები და წინადადებები 2011 წლის სახელმწიფო ბიუჯეტის კანონპროექტთან დაკავშირებით

დღეს საქართველოს პარლამენტმა 2011 წლის სახელმწიფო ბიუჯეტის პროექტი პლენარულ სხდომაზე განიხილა. აღნიშნულ საკითხთან დაკავშირებით საქართველოს კონტროლის პალატამ წარუდგინა პარლამენტს თავისი შენიშვნები და წინადადებები, აგრეთვე მოხსენება 2010 წლის სახელმწიფო ბიუჯეტის შესრულების მიმდინარეობის შესახებ.კონტროლის პალატამ განიხილა საქართველოს მთავრობის მიერ საქართველოს პარლამენტში წარმოდგენილი „საქართველოს 2011 წლის სახელმწიფო ბიუჯეტის შესახებ“ საქართველოს კანონის გადამუშავებული პროექტი, რომელშიც გათვალისწინებულია კანონპროექტის განხილვის პირველ ეტაპზე გამოთქმული შენიშვნები და წინადადებები. აღსანიშნავია, რომ კანონპროექტით გათვალისწინებული ხარჯების კანონიერებისა და საფუძვლიანობის თვალსაზრისით არ არსებობდა არსებითი ხასიათის სამართლებრივი წინააღმდეგობა, რომელიც დააბრკოლებდა მის განხილვა-მიღებას.შესწორებული კანონპროექტის მიხედვით, არაფინანსური აქტივების კლებიდან (პრივატიზაცია) მისაღები შემოსულობების საპროგნოზო მოცულობა თავდაპირველ პროექტთან შედარებით გაიზარდა 80.0 მლნ. ლარით და შეადგინა 150.0 მლნ. ლარი; თუმცა კანონპროექტის განმარტებით ბარათში არ არის ახსნილი, თუ დროის ასეთ მცირე მონაკვეთში (კანონპროექტის პირველი ვარიანტის პარლამენტში წარდგენიდან ერთ თვეში) რა რესურსი გამოინახა, რომელმაც 80-მილიონიანი ზრდა განაპირობა ან თუ ასეთი რესურსი არსებობდა, რატომ არ იქნა გათვალისწინებული იგი თავიდანვე, მ. წ. ოქტომბრის დასაწყისში წარმოდგენილი ბიუჯეტის პროექტში.საქართველოს კონტროლის პალატა კვლავ აქტუალურად მიიჩნევს და საქართველოს პარლამენტისა და მთავრობის წინაშე სვამს საგადასახადო შემოსავლებში საგადასახადო ტვირთის დივერსიფიცირების შესაძლებლობაზე განხილვების დაწყების საკითხს.2011 წლის ბიუჯეტის პროექტის პირველ ვარიანტზე წარმოდგენილ დასკვნაში საქართველოს კონტროლის პალატა აღნიშნავდა და ამჯერადაც მოელის, რომ შემდგომი განხილვებისას წარმოდგენილი იქნება სრულყოფილი ინფორმაცია და გაიმართება მსჯელობა ისეთ მნიშვნელოვან საკითხებზე, როგორიცაა: შიდა აუდიტის სისტემის ფორმირების სამართლებრივი და მეთოდოლოგიური უზრუნველყოფა; საჯარო ფინანსების მართვისა და აღრიცხვის სისტემური მოწესრიგება; საჯარო სამართლის იურიდიული პირების სისტემა; სახელმწიფო საწარმოები და მათი მართვის სისტემა; პრივატიზაციის პროცესის ხედვა; საბიუჯეტო სახსრებით წარმართული სადაზღვევო პროგრამებისა თუ სქემების სისტემური მოწესრიგება; სტატისტიკის სფეროს რეფორმის მიმდინარეობა და სამომავლო ხედვა. ამასთან, უნდა აღინიშნოს, რომ სოფლის მეურნეობა, მეცნიერება, ინოვაციების მხარდაჭერა თუ კომერციალიზაციის ხელშეწყობა, პრივატიზაცია და სახელმწიფო საწარმოები ის სფეროებია, სადაც არის ზრდის პოტენციალი და შესაბამისად, მოითხოვს სტრატეგიული ხედვის ჩამოყალიბებასა და სისტემურ მიდგომას.რაც შეეხება 2010 წლის სახელმწიფო ბიუჯეტის შესრულების მიმდინარეობის შესახებ კონტროლის პალატის მოხსენებას იხილეთ აქ:

შეხვედრა დონორებთან და პარტნიორებთან

დღეს სასტუმრო „ქორთიარდ მერიოტში“ საქართველოს კონტროლის პალატის დონორებისა და პარტნიორი ორგანიზაციების შეხვედრა გაიმართა.
შეხვედრაზე განიხილეს და შეაფასეს კონტროლის პალატასთან ერთად სხვადასხვა სფეროში მიღწეული შედეგები:

ფინანსური აუდიტის მეთოდოლოგია;
კონტროლის პალატის აუდიტორთა ეთიკის კოდექსი;
შიდა და გარე კომუნიკაციების პოლიტიკა.

ასევე წარმოდგენილ იქნა საქართველოს კონტროლის პალატის 2010 – 2012 წლების განახლებული სტრატეგიული გეგმა, რომლის საფუძველზეც დონორებთან და პარტნიორ ორგანიზაციებთან მომავალი თანამშრომლობის ახალი მიმართულებები და სფეროები გამოიკვეთება.
შეხვედრაში მონაწილეობდნენ შემდეგი დონორი და პარტნიორი ორგანიზაციები: მსოფლიო ბანკი, USAID, ევროკავშირი, გერმანიის ტექნიკური თანამშრომლობის ორგანიზაცია (GTZ), ნიდერლანდების სამეფოსა და ჩეხეთის საელჩოს წარმომადგნელები, აგრეთვე საქართველოს პარლამენტის წევრები, ევროპული და ევროატლანტიკური ინტეგრაციის საკითხებში საქართველოს სახელმწიფო მინისტრის აპარატის წარმომადგენლები და სხვ.

თანამშრომლობის ხელშეკრულება რუმინეთის საანგარიშო სასამართლოსა და საქართველოს კონტროლის პალატას შორის

საქართველოს კონტროლის პალატასა და რუმინეთის საანგარიშო სასამართლოს (რუმინეთის უმაღლესი აუდიტორული ორგანო) შორის თანამშრომლობის ხელშეკრულება გაფორმდა.ხელშეკრულებაზე ხელის მოწერა ქუთაისში, კონტროლის პალატის სათავო ოფისში გაიმართა.თანამშრომლობის ხელშეკრულება ხელს შეუწყობს საქართველოს კონტროლის პალატასა და რუმინეთის საანგარიშო სასამართლოს, განავითარონ ტრადიციული მეგობრული ურთიერთობები და ორმხრივი თანამშრომლობა, რომელიც მიზნად ისახავს სახელმწიფო ფინანსური რესურსების აუდიტის სფეროში შეხედულებების, ცოდნისა და პროფესიული გამოცდილების გაცვლას.საქართველოსა და რუმინეთის უმაღლესი აუდიტორული ორგანოების თანამშრომლობის ხელშეკრულება შემდეგ ძირითად პრინციპებს ითვალისწინებს:
გამოცდილების გაცვლა სახელმწიფო აუდიტის მეთოდოლოგიის გაუმჯობესების სფეროში;
თანამშრომლობა პროფესიული ტრენინგისა და პერსონალის პროფესიული სტანდარტების გაუმჯობესების სფეროებში;
ორი უმაღლესი აუდიტორული ორგანოს საქმიანობის შესახებ დოკუმენტაციისა და ინფორმაციის გაცვლა;
საქართველოსა და რუმინეთის კანონმდებლობის მიერ გათვალისწინებული და განსაზღვრული კვლევითი პროექტებისა და აუდიტების ორგანიზება.
თანამშრომლობის ხელშეკრულების გაფორმების შემდეგ, რუმინეთის საანგარიშო სასამართლოს პრეზიდენტი ნიკოლაი ვაკაროიუ ქუთაისის მერს, გიორგი თევდორაძესა და იმერეთში სახელმწიფო რწმუნებულ-გუბერნატორს, ლაშა მაქაცარიას შეხვდა, ხოლო ხელშეკრულების გაფორმებდამდე ერთი დღით ადრე - საქართველოს პარლამენტის თავმჯდომარეს, დავით ბაქრაძეს, პარლამენტის საფინანსო-საბიუჯეტო კომიტეტის თავმჯდომარეს, ზურაბ მელიქიშვილსა და იუსტიციის მინისტრს და კორუფციის წინააღმდეგ ბრძოლის უწყებათაშორისი საკოორდინაციო საბჭოს თავმჯდომარეს, ზურაბ ადეიშვილს.

რუმინეთის საანგარიშო სასამართლოს პრეზიდენტი ნიკოლაი ვაკაროიუ საქართველოს კონტროლის პალატას ეწვია

რუმინეთის საანგარიშო სასამართლოს (რუმინეთის უმაღლესი აუდიტორული ორგანო) პრეზიდენტის ვიზიტის მიზანია კონტროლის პალატასა და რუმინეთის საანგარიშო სასამართლოს შორის თანამშრომლობის ხელშეკრულების გაფორმება. ნიკოლაი ვაკაროიუ კონტროლის პალატის თავმჯდომარეს, ლევან ბეჟაშვილსა და კონტროლის პალატის სხვა წარმომადგენლებს შეხვდა. დღის ბოლოს ნიკოლაი ვიკაროიუ შეხვდება საქართველოს პარლამენტის თავმჯდომარეს, დავით ბაქრაძეს, პარლამენტის საფინანსო-საბიუჯეტო კომიტეტის თავმჯდომარეს, ზურაბ მელიქიშვილს და იუსტიციის მინისტრს, კორუფციის წინააღმდეგ ბრძოლის უწყებათაშორისი საკოორდინაციო საბჭოს თავმჯდომარეს, ზურაბ ადეიშვილს. აღნიშნულმა ხელშეკრულებამ ხელი უნდა შეუწყოს საქართველოს კონტროლის პალატასა და რუმინეთის საანგარიშო სასამართლოს, განავითარონ ტრადიციული მეგობრული ურთიერთობები და ორმხრივი თანამშრომლობა, რომელიც მიზნად ისახავს სახელმწიფო ფინანსური რესურსების აუდიტის სფეროში შეხედულებების, ცოდნისა და პროფესიული გამოცდილების გაცვლას.ხელშეკრულებაზე ხელმოწერა გაიმართება 27 ოქტომბერს, ქუთაისში, კონტროლის პალატის სათავო ოფისში.

ახალი ტექნოლოგიები საქართველოს კონტროლის პალატაში

საქართველოს კონტროლის პალატა გზის საფარის ხარისხის შესამოწმებლად ახალ ტექნოლოგიებს გამოიყენებს. ეს არის მთელს მსოფლიოში აპრობირებული სპეციალური იმპულსური რადარი.დღეს, გომბორი-თელავის დამაკავშირებელი მაგისტრალის მცირე მონაკვეთზე, აღნიშნული რადარის ტესტირება ჩატარდა, რომელსაც საქართველოს კონტროლის პალატის თავმჯდომარე, აუდიტორები და გერმანიიდან მოწვეული ექსპერტი ესწრებოდნენ. ტესტირებისას შემოწმდა გზატკეცილზე ჩატარებული სამუშაოები -ასფალტის საფარის სისქე და ხარისხი.იმპულსური, იგივე გამჭოლი რადარის საშუალებით შესაძლებელია მაგისტრალების, ქუჩების, ხიდების, აეროპორტის ასაფრენი ბილიკების, ასფალტისა და ბეტონის სისქის, ხარისხისა და მდგომარეობის შესახებ ინფორმაციის მოპოვება და გაანალიზება. ასევე, შესაძლებელია მიწისქვეშა კომუნიკაციების მდებარეობისა და მისი მდგომარეობის დადგენა.აღნიშნული რადარის გამოყენება მნიშვნელოვნად შეუწყობს ხელს როგორც დროის, ისე სხვა რესურსების დაზოგვას.

ლატვიის სახელმწიფო აუდიტორული ოფისის წარმომადგენელი საქართველოს კონტროლის პალატაში

ლატვიის სახელმწიფო აუდიტორული ოფისის (SAO-ს) წარმომადგენელი ინგა ვარავა საქართველოს კონტროლის პალატას ეწვია.ინგა ვარავას კონტროლის პალატაში ჩამოსვლის მიზანია სამუშაო შეხვედრის ჩატარება თემაზე: „წლიური ბიუჯეტის შესრულების შესახებ მთავრობის კონსოლიდირებული ანგარიშის აუდიტი.“აღნიშნული შეხვედრა საერთაშორისო ორგანიზაცია SIGMA-ს (Support for improvement in Governance and Management) ეგიდით ტარდება და იგი 19 - 20 ოქტომბერს გაიმართება.

საქართველოს კონტროლის პალატის აუდიტორთა ტრენინგის სტრატეგია

დღეს სასტუმრო „ქორთიარდ მერიოტში“ SIGMA-მ (Support for improvement in Governance and Management) საქართველოს კონტროლის პალატასთან ერთად სამუშაო შეხვედრა გამართა თემაზე - კონტროლის პალატის აუდიტორთა ტრენინგის სტრატეგია. საქართველოს კონტროლის პალატის სტრატეგიული განვითარების ერთ-ერთი მთავარი პრიორიტეტი პროფესიონალი კადრების მომზადებისა და ტრენინგის ეფექტიანი სისტემის შექმნაა.აღნიშნული სამუშაო შეხვედრა ხვალ, 14 ოქტომბერს განმეორებით გაიმართება.

პარლამენტის პლენარულ სხდომაზე სკპ-ის 2009 წლის საქმიანობის ანგარიში მოისმინეს

დღეს საქართველოს კონტროლის პალატის თავმჯდომარემ, ლევან ბეჟაშვილმა კონტროლის პალატის საქმიანობის 2009 წლის ანგარიში პარლამენტის პლენარულ სხდომაზე წარადგინა.აღნიშნული ანგარიში მოიცავს შემდეგ საკითხებს: კონტროლის პალატის ახალი მანდატი და აუდიტის მეთოდოლოგია; აუდიტის საერთაშორისო სტანდარტები; სტრუქტურული რეორგანიზაცია; ახალი ინიციატივები და მიღწევები; საჭირო ცვლილებები კანონმდებლობაში და სხვ.ანგარიშში ხაზგასმითაა აღნიშნული, რომ საქართველოს კონტროლის პალატის საქმიანობის მთავარი და უცვლელი პრინციპებია: ობიექტურობა, დამოუკიდებლობა, საჯაროობა და პროფესიონალიზმი. პლენარულ სხდომაზე გამოსვლისას ლევან ბეჟაშვილმა საქართველოს პარლამენტს კონტროლის პალატის ახალი ინიციატივებიც გააცნო. მათ შორის:1. კონტროლის პალატის აუდიტის აქტები მთავრობის მიერ ბიუჯეტის შესრულების ანგარიშის განხილვამდე, სავალდებულო წესით, განიხილონ პარლამენტის დარგობრივმა კომიტეტებმა.2. კონტროლის პალატა შეიმუშავებს მაღალი რისკის მქონე პროგრამებისა და ღონისძიებების ნუსხას, რომელშიც შევა ის დაწესებულება თუ პროგრამა, რომელიც თანხების სიჭარბით, კანონდარღვევებით ან არასწორი მართვის გამო მომეტებული რისკის მატარებელია და მოექცევა პალატისა და საზოგადოების განსაკუთრებული დაკვირვების ქვეშ. მდგომარეობის გამოსწორების შემთხვევაში, შესაბამისი პროგრამა ან დაწესებულება ამოღებული იქნება ნუსხიდან.

ინგლისური ენის კურსები კონტროლის პალატის თანამშრომლებისთვის

დღეიდან საქართველოს კონტროლის პალატაში თანამშრომლებისთვის ინგლისური ენის (ბიზნეს-ინგლისური) შემსწავლელი კურსები იწყება. მსმენელები გაივლიან TOEFL-ის კურსს. მეცადინეობებს ჩაატარებენ ბრიტანული საერთაშორისო სასწავლო ცენტრის პედაგოგები.ინგლისური ენის პროგრამა რამდენიმე თვის განმავლობაში გაგრძელდება და გულისმხობს: მემორანდუმებისა და მოხსენებების წერას; ელექტრონული მიმოწერისა და ბიზნეს-შეხვედრების წარმოებისას აუცილებელი ლექსიკის განვითარებას; ბიზნესთან დაკავშირებული ლექსიკური და გრამატიკული თავისებურებების ათვისებას.აღნიშნული კურსის გავლა კონტროლის პალატის თანამშრომლებს დაეხმარება უცხოელ პარტნიორებთან თანამშრომლობასა და აუდიტის თანამედროვე სტანდარტების უკეთ ათვისებაში.

საქართველოს კონტროლის პალატის საქმიანობის 2009 წლის ანგარიში პარლამენტის საკომიტეტო მოსმენაზე

დღეს საქართველოს კონტროლის პალატის თავმჯდომარემ, ლევან ბეჟაშვილმა კონტროლის პალატის საქმიანობის 2009 წლის ანგარიში პარლამენტის საფინანსო-საბიუჯეტო კომიტეტს წარუდგინა. აღნიშნულ ანგარიშს ხვალ პარლამენტის პლენარულ სხდომაზე მოისმენენ.

„საქართველოს კონტროლის პალატის მხარდაჭერის “ - ბიუროს პრეზენტაცია

დღეს საქართველოს კონტროლის პალატის თბილისის ოფისში გერმანიის ტექნიკური თანამშრომლობის (GTZ) პროექტის - „საქართველოს კონტროლის პალატის მხარდაჭერის “ - ბიუროს პრეზენტაცია გაიმართა.GTZ რამდენიმე წელია თანამშრომლობს საქართველოს კონტროლის პალატასთან. მიმდინარე ურთიერთანამშრომლობა მოიცავს შემდეგ სფეროებს:
კონტროლის პალატის კომპეტენტურობის უზრუნველყოფა ეფექტიანობის აუდიტის დანერგვისა და განხორციელების მიზნით;
ადგილობრივი თვითმმართველობის ერთეულების აუდიტი;
„ საქართველოს კონტროლის პალატის შესახებ“ მოქმედი კანონის INTOSAI–ს სტანდარტებთან შესაბამისობაში მოყვანა;
საქართველოს კონტროლის პალატის აუდიტორების 6-თვიანი სტაჟირება ნორდრაინ-ვესტფალიის საანგარიშო პალატაში (გერმანია).

საქართველოს კონტროლის პალატასა და ქუთაისის აკაკი წერეთლის სახელობის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა

დღეს საქართველოს კონტროლის პალატის თავმჯდომარემ და ქუთაისის აკაკი წერეთლის სახელობის სახელმწიფო უნივერსიტეტის რექტორმა ურთიერთთანამშრომლობის მემორანდუმს მოაწერეს ხელი.

საქართველოს კონტროლის პალატა გამოვიდა ახალი ინიციატივით და ქუთაისის აკაკი წერეთლის სახელობის სახელმწიფო უნივერსიტეტის მაგისტრანტებისთვის 2010/2011 სასწავლო წელს შემოღებულ იქნა სალექციო კურსი -,,საჯარო სექტორის აუდიტი”.

მიზანი: რეფორმების შედეგად საქართველოს კონტროლის პალატაში უკვე დაგროვდა სტუდენტებისათვის გადასაცემად საკმარისი ცოდნა და გამოცდილება საჯარო სექტორის მართვისა და აუდიტის თანამედროვე მეთოდოლოგიის სფეროში.

საქართველოს კონტროლის პალატა, მისი თითოეული თანამშრომელი თავს ვალდებულად თვლის საკუთარი წვლილი შეიტანოს, ზოგადად, განათლების სისტემის სრულყოფასა და კერძოდ, რეგიონებში მცხოვრები ახალგაზრდებისათვის თანამედროვე სტანდარტების შესაბამისი ცოდნის ხელმისაწვდომობის უზრუნველყოფაში. სწორედ ამიტომ, საქართველოს კონტროლის პალატის თანამშრომლები სალექციო კურსს გაუძღვებიან ყოველგვარი ანაზღაურებისა თუ სხვა დამატებითი საბიუჯეტო ხარჯების გარეშე.

სალექციო კურსი მოიცავს შემდეგ თემებს:

საჯარო ფინანსების მართვა და საბიუჯეტო სისტემა

საჯარო და კერძო სამართლის შესავალი

თანამონაწილეობითი დემოკრატია და საბიუჯეტო პროცესი

კონტროლის პალატა და საჯარო ფინანსების აუდიტი

მონაცემთა ანალიზი და გადაწყვეტილების მიღება

საჯარო ფინანსების აღრიცხვა

აუდიტის საფუძვლები

ეფექტიანობის აუდიტი

სალექციო კურსის დასრულების შემდგომ, ტესტირების წარმატებით გავლის შემთხვევაში, სტუდენტებს გადაეცემათ სერტიფიკატები. შესაძლებელია, წარმატებულ სტუდენტებს საქართველოს კონტროლის პალატამ შესთავაზოს თანამშრომლობა.

მოსალოდნელი შედეგი: წარმატებული თანამშრომლობის შემთხვევაში შესაძლებელი გახდება საქართველოს საგანმანათლებლო სისტემის ისტორიაში პირველად შეიმნას ,,საჯარო სექტორის აუდიტის” სამაგისტრო პროგრამა. პროგრამა დაინერგება არა საქართველოს დედაქალაქში, არამედ ქუთაისში, რეგიონულ ადმინისტრაციულ ცენტრში და რეგიონებში მცხოვრებ ახალგაზრდებს მიეცემათ საშუალება დაეუფლონ პერსპექტიულ და კონკურენტუნარიან პროფესიას.

ადმინისტრაციული საკითხები: ქუთაისის აკაკი წერეთლის სახელობის სახელმწიფო უნივერსიტეტის საზოგადოებრივ მეცნიერებათა ფაკულტეტის (,,ბიზნესის ადმინისტრირების“, ,,ფინანსები, საბანკო და სადაზღვევო საქმისა“ და ,,მარკეტინგის“ სპეციალობების) სტუდენტებს, რომელთაც აქვთ სურვილი დაესწრონ ლექციებს, რეგისტრაციის გავლა ა. წ. 11 ოქტომბრის ჩათვლით შეუძლიათ როგორც უნივერსიტეტში, ასევე საქართველოს კონტროლის პალატაში.

სალექციო კურსი 2010 წლის 12 ოქტომბერს დაიწყება. ლექციები ჩატარდება ყოველ კვირას, კვირაში 3 -ჯერ.

Facebook | პრეს–რელიზი

Facebook | პრეს–რელიზი

მთავარი გვერდი | საქართველოს კონტროლის...

მთავარი გვერდი | საქართველოს კონტროლის...

პრეს–რელიზი

2010 წლის 7 ოქტომბერს 11:00 საათზე, ქუთაისში,
საქართველოს კონტროლის პალატის ოფისში


საქართველოს კონტროლის პალატის თავმჯდომარე და ქუთაისის აკაკი წერეთლის სახელმწიფო უნივერსიტეტის რექტორი
ხელს მოაწერენ ურთიერთთანამშრომლობის მემორანდუმს და გამართავენ ბრიფინგს

საქართველოს კონტროლის პალატა გამოდის ახალი ინიციატივით და ქუთაისის აკაკი წერეთლის სახელმწიფო უნივერსიტეტის მაგისტრანტთათვის 2010/2011 სასწავლო წელს წარმართავს სალექციო კურსს "საჯარო სექტორის აუდიტში".

მიზანი: რეფორმების შედეგად საქართველოს კონტროლის პალატაში უკვე დაგროვდა სტუდენტებისათვის გადასაცემად საკმარისი ცოდნა და გამოცდილება საჯარო სექტორის მართვისა და აუდიტის თანამედროვე მეთოდოლოგიის სფეროში.

საქართველოს კონტროლის პალატა, მისი თითოეული თანამშრომელი თავს ვალდებულად თვლის საკუთარი წვლილი შეიტანოს განათლების განვითარებასა და რეგიონებში მცხოვრები ახალგაზრდებისათვის თანამედროვე სტანდარტების შესაბამისი ცოდნის ხელმისაწვდომობის უზრუნველყოფაში. სწორედ ამიტომ, საქართველოს კონტროლის პალატის თანამშრომლები სალექციო კურსს წარუძღვებიან ყოველგვარი ანაზღაურებისა თუ სხვა დამატებითი საბიუჯეტო ხარჯების გარეშე.

სალექციო კურსი მოიცავს შემდეგ თემებს: "საჯარო ფინანსების მართვა და საბიუჯეტო სისტემა"; "საჯარო და კერძო სამართლის შესავალი"; "თანამონაწილეობითი დემოკრატია და საბიუჯეტო პროცესი"; "კონტროლის პალატა და საჯარო ფინანსების აუდიტი"; "მონაცემთა ანალიზი და გადაწყვეტილების მიღება"; "საჯარო ფინანსების აღრიცხვა"; "აუდიტის საფუძვლები"; "ეფექტიანობის აუდიტი".

სალექციო კურსის დასრულების შემდგომ, ტესტირების წარმატებით გავლის შემთხვევაში სტუდენტებს გადაეცემათ სერტიფიკატები. შესაძლებელია წარმატებულ სტუდენტებს საქართველოს კონტროლის პალატამ შესთავაზოს თანამშრომლობა.

მოსალოდნელი შედეგი: წარმატებული თანამშრომლობის შემთხვევაში შესაძლებელი გახდება საქართველოს ისტორიაში პირველად "საჯარო სექტორის აუდიტის" სამაგისტრო პროგრამის შექმნა. პროგრამა დაინერგება არა საქართველოს დედაქალაქში, არამედ რეგიონულ ადმინისტრაციულ ცენტრში და რეგიონებში მცხოვრებ ახალგაზრდებს მიეცემათ საშუალება დაეუფლონ პერსპექტივაში კონკურენტუნარიან პროფესიას.

ადმინისტრაციული საკითხები: ქუთაისის აკაკი წერეთლის სახელმწიფო უნივერსიტეტის საზოგადოებრივ მეცნიერებათა ფაკულტეტის ("ბიზნესის ადმინისტრირების", ფინანსები, "საბანკო და სადაზღვევო საქმის" და "მარკეტინგის" სპეციალობების) სტუდენტებს, რომლებსაც აქვთ სურვილი დაესწრონ ლექციებს, რეგისტრაციის გავლა 11 ოქტომბრის ჩათვლით შეუძლიათ როგორც უნივერსიტეტში, ასევე საქართველოს კონტროლის პალატაში.

სალექციო კურსი დაიწყება 12 ოქტომბერს. ლექციები ჩატარდება ყოველკვირეულად, კვირაში 3 დღე (ორშაბათი, სამშაბათი, ოთხშაბათი); ლექციის ხანგრძლივობა - 1 საათი, დასაწყისი 12:00 სთ.

შენიშვნა მედიისთვის: იმის გათვალისწინებით, რომ ბრიფინგი არ წარიმართება კითხვა-პასუხის რეჟიმში, მემორანდუმთან ან ღონისძიებასთან დაკავშირებული დამატებითი კითხვები შეგიძლიათ მოგვაწოდოთ ელექტრონული ფოსტის მეშვეობით და შევეცდებით ეს საკითხები მოვიცვათ ბრიფინგისას.

ღონისძიების ადგილი: ქუთაისი, ირაკლი აბაშიძის ქუჩა N22. საქართველოს კონტროლის პალატა
დასაწყისი: 11:00 საათი

საკონტაქტო პირი: გიორგი ჯაფარიძე
ტელეფონი: 895 23 03 00

ელ.ფოსტა: giorgi.japaridze.ccg@gmail.com
giorgi_japaridze@yahoo.com

აუდიტი ფინანსთა სამინისტროში

საქართელოს კონტროლის პალატამ, საქართველოს ფინანსთა სამინისტროში ჩაატარა (2009 წლის და 2010 წლის I და II კვარტლის) „სახელმწიფო სექტორის ფინანსური მართვის რეფორმის მხარდაჭერი პროექტის“ აუდიტი.
საქართელოს ფინანსთა სამინისტრომ გამოაცხადდა ტენდერი 2009 წლის 6 თებერვალს, საბიუჯეტო პროცესის გამჭვირვალობის გაზრდის მიზნით, საბიუჯეტო დოკუმენტაციების პოპულარული ვერსიების შესამუშავებლად. რაც გამოიხატებოდა 8500 ერთეული, ბიუჯეტის შესახებ ინფორმაციის შემცველი ბროშურების ადვილი ენით დაწერაში, დაბეჭვდასა და საზოგადოების ფართო მასებში გავრცელებაში.
* ტენდერში მონაწილეობაზე ინტერესი გამოხატა 11 კომპანიამ, ხოლო დოკუმენტაცია წარმოადგინა მხოლოდ ორმა: შპს „კონგარმა“ და შპს „PMCG“. შპს „PMCG”-ის ფინანური წინადადება 117450 ლარით ნაკლები იყო შპს „კონგარის“ წინადადებაზე, მიუხედავად ამისა, ფინანსთა სამინისტროს მიერ ტექნიკურ მონაცემებზე დაყრდნობით, უპირატესობა მიანიჭა შპს „კონგარს“. აღნიშნულიდან, გამოდინარე, სამინისტრომ საბიუჯეტო სახსრების ხარჯვასთან მიმართებაში, იმოქმედა არაეკონომიურად.
* შპს „კონგარი“-ს მიერ ტენდერში მონაწილეობისას წარმოდგენილი იქნა წინადადება, რომელიც ითვალისწინებდა ხელშეკრულებას გათვლილს 21 თვეზე, რაც ჯამში შეადგენდა 375850 ლარს დღგ-ს გარეშე. ხელშეკრულება ფინანსთა სამინისტროსა და შპს „კონგარს“ შორის დაიდო 17 თვის ვადით ხოლო ხელშეკრულების თანხა დარჩა უცვლელი. მიმღებ მხარეს (ფინანსთა სამინისტროს) არ მოუთხოვია ხელშეკრულების თანხის შემცირება, რის გამოც ბიუჯეტის პირდაპირმა ზარალმა შეადგინა 61446 ლარი.
* კონტრაქტის ღირებულებიდან, 322600 ლარი წარმოადგენდა ინტელექტუალურ შრომაში გადახდილ თანხას და 53250 ლარი ბროშურების დაბეჭვდაში გადახდილ თანხას. აუდიტის ჯგუფმა შეადარა დაბეჭვდილი ბროშურების შინაარსი - ბიუჯეტის შესრულების ანგარიშებს და შესაბამის დოკუმენტებს. შედეგად გამოვლინდა, რომ ბროშურების შინაარსი მთლიანად კოპირებულია აღნიშნული ანგარიშებიდან და არანაირი ახალი პროდუქტი არ არის შექმნილი. შესრულებული სამუშაო შეიძლებოდა შესრულებულიყო ფინანსთა სამინისტროს რესურსებით და მოითხოვდა მხოლოდ პოლიგრაფიულ და სათარჯიმნო სამუშაოებს. დაბეჭვდილი ბროშურებიდან 82% გავრცელდა ფინანსთა სამინისტროს სხვადასხვა დეპარტამენტებში, საქართველოს პარლამენტის საბიუჯეტო ოფისში და ქალაქ თბილისის მერიაში. აღნიშნულ უწყებებს შიდა მოხმარებისთვის არ ესაჭიროებოდა აღნიშნული რაოდენობის, ადვილი ენით, საზოგადოების ყველა ფენისთვის გასაგებ ენაზე დაბეჭვდილი ბროშურები. აუდიტის ჯგუფმა ვერ მიიღო სათანადო განმარტებები თუ რა საჭირო იყო ბიუჯეტის თანხების დახარჯვა ამ რაოდენობის ბროშურების ბეჭვდაში და მათ გავრცელებაში ისევ იმ უწყებებში, რომლებსაც ისედაც გააჩნდათ ეს ინფორმაცია. აღნიშნულიდან გამომდინარე 322600 ლარი გახარჯულია არაეკონომიურად და არამიზნობრივად.

საქართველოს კონტროლის პალატში ლატვიის სახელმწიფო აუდიტორული ოფისის წარმომადგენლები პრაქტიკულ ტრენინგებს ჩაატარებენ

საქართველოს კონტროლის პალატას ლატვიის სახელმწიფო აუდიტორული ოფისის (SAO) სამი წარმომადგენელი ეწვია, რომლებიც საქართველოს კონტროლის პალატის თანამშრომლებისთვის პრაქტიკულ ტრენინგებს ჩაატარებენ. ტრენინგები აუდიტის დაგეგმვის ფაზას შეეხება, რაც 20-დან 23 სექტემბრამდე გაგრძელდება.შეგახსენებთ, რომ ზემოხსენებული ტრენინგები 30 აგვისტოს საქართველოს კონტროლის პალატასა და ლატვიის სახელმწიფო აუდიტორულ ოფისს შორის გაფორმებული ხელშეკრულების საფუძველზე ხორციელდება.აღნიშნული ხელშეკრულება ლატვიელ კოლეგებთან ერთად სამი სამინისტროს ერთობლივი ფინანსური აუდიტის ჩატარებას ითვალისწინებს:
შრომის, ჯანდაცვისა და სოციალური უსაფრთხოების სამინისტრო;
განათლებისა და მეცნიერების სამინისტრო;
ინფრასტრუქტურისა და რეგიონული განვითარების სამინისტრო.
ხელშეკრულება 2010 წლის 30 აგვისტოდან 2011 წლის 31 მაისამდე პერიოდს მოიცავს.

აჭარის ავტონომიურ რესპუბლიკაში კონტროლის პალატის თავმჯდომარის თანამდებობაზე აჭარის ავტონომიური რესპუბლიკის უმაღლესმა საბჭომ სულხან ჯორთმენაძის კანდიდა

აჭარის ავტონომიური რესპუბლიკის უმაღლემა საბჭომ აჭარის ავტონომიურ რესპუბლიკაში კონტროლის პალატის თავმჯდომარის კანდიდატურაზე სულხან ჯორთმენაზე დაამტკიცა.
დღეს, 12:30 საათზე, კონტროლის პალატის თავმჯდომარე ლევან ბეჟაშვილმა სულხან ჯორთმენაძე აჭარის ა/რ უმაღლეს საბჭოს წარუდგინა.
სულხან ჯორთმენაძე 2008 წლიდან აჭარის ა/რ ფინანსთა და ეკონომიკის მინისტრის მოადგილის თანამდებობაზე მუშაობდა.
აჭარის ავტონომიურ რესპუბლიკაში აქტიურად მიმდინარე საინვესტიციო საქმიანობის ფონზე, განსაკუთრებით მნიშვნელოვანია დაბანდებული ინვესტიციების სახელმწიფო ინტერესების შესაბამისად მართვისა და ხარჯვის ხელშემწყობი ღონისძიებების გატარება.
ამ მიმართულებით სახელმწიფო მხარდაჭერის უზრუნველსაყოფად არსებითი მნიშვნელობა აქვს საქართველოს კონტროლის პალატის, როგორც საფინანსო–ეკონომიკური კონტროლის უმაღლესი ორგანოს მიერ თავისი უფლებამოსილებების სანიმუშოდ შესრულებას, რასაც მიზნად ისახავს ამ უწყებაში მიმდინარე რეფორმა.
აღნიშნული ინსტიტუციური რეფორმის ნაწილია აჭარის ავტონომიური რესპუბლიკის კონტროლის პალატაში განსახორციელებელი სხვადასხვა, მათ შორის, საკადრო ცვლილებებიც.

აჭარის ავტონომიურ რესპუბლიკაში კონტროლის პალატის თავმჯდომარის კანდიდატურას აჭარის ავტონომიური რესპუბლიკის უმაღლესი საბჭო განიხილავს

საქართველოს კონტროლის პალატის თავმჯდომარე ლევან ბეჟაშვილი აჭარის ავტონომიური რესპუბლიკის უმაღლეს საბჭოს აჭარის ავტონომიურ რესპუბლიკაში კონტროლის პალატის თავმჯდომარის კანდიდატურას შესათანხმებლად წარუდგენს.აჭარის ავტონომიურ რესპუბლიკაში კონტროლის პალატის თავმჯდომარის კანდიდატურა სულხან ჯორთმენაძეა. იგი 2008 წლიდან აჭარის ა/რ ფინანსთა და ეკონომიკის მინისტრის მოადგილის თანამდებობაზე მუშაობს.12:30 საათზე კონტროლის პალატის თავმჯდომარე ლევან ბეჟაშვილი და სულხან ჯორთმენაძე აჭარის ა/რ უმაღლესი საბჭოს თავმჯდომარეს მიხეილ მახარაძეს შეხვდებიან, ხოლო 13:00 საათზე ლევან ბეჟაშვილი აჭარის ა/რ კონტროლის პალატის თავმჯდომარის კანდიდატურას აჭარის ა/რ უმაღლეს საბჭოს წარუდგენს.აჭარის ავტონომიურ რესპუბლიკაში აქტიურად მიმდინარე საინვესტიციო საქმიანობის ფონზე, განსაკუთრებით მნიშვნელოვანია დაბანდებული ინვესტიციების სახელმწიფო ინტერესების შესაბამისად მართვისა და ხარჯვის ხელშემწყობი ღონისძიებების გატარება.ამ მიმართულებით სახელმწიფო მხარდაჭერის უზრუნველსაყოფად არსებითი მნიშვნელობა აქვს საქართველოს კონტროლის პალატის, როგორც საფინანსო–ეკონომიკური კონტროლის უმაღლესი ორგანოს მიერ თავისი უფლებამოსილებების სანიმუშოდ შესრულებას, რასაც მიზნად ისახავს ამ უწყებაში მიმდინარე რეფორმა.აღნიშნული ინსტიტუციური რეფორმის ნაწილია აჭარის ავტონომიური რესპუბლიკის კონტროლის პალატაში განსახორციელებელი სხვადასხვა, მათ შორის, საკადრო ცვლილებებიც.

იმუნიზაციის სახელმწიფო პროგრამის აუდიტის მნიშვნელოვანი შედეგები

ვაქცინაციის პროგრამის აუდიტით გამოვლინდა სახელმწიფო შესყიდვებთან დაკავშირებული დარღვევები, რამაც გამოააშკარავა ჯანდაცვის სფეროში მომეტებული კორუფციული რისკები. აღსანიშნავია, რომ კორუფციული სქემა ამოქმედდა პროგრამის ფარგლებში განხორციელებულ ერთადერთ ტენდერში:1. სახელმწიფო მოხელეებმა ვაქცინების შესაძენად გამოყოფილი ბიუჯეტი მოარგეს მიმწოდებელი კომპანიის ამონაგებს. შესყიდვა, ყოველგვარი დასაბუთების გარეშე, დაიგეგმა იმგვარად, რომ ბიუჯეტი მთლიანად მიიმართა კომპანია "ნ ფარმი +-ზე".2. სააგენტომ შეიძინა იაფფასიანი დაფასოების, საჭირო მარაგზე ნაკლები და მოკლე ვადით ვარგისი ვაქცინა, ისე, რომ არ დაზოგილა ბიუჯეტი. ამ ქმედებით სამინისტროს სისტემის თანამშრომლებმა გაზარდეს ერთეული ვაქცინის ფასი, რითაც გაზარდეს "ნ ფარმი+ –ის" ამონაგები და აზარალეს ბიუჯეტი. არამართლზომიერი ქმედებების შედეგად:1. 2009 წელს „ნ ფარმი +-ის“ მიერ იმპორტირებულ 6–ლარიან ვაქცინაში სააგენტომ გადაიხადა 17 ლარი. ჯამურად, 370.0 ათასი ლარის ვაქცინა შეძენილია 1070.0 ათას ლარად.კომპანიის სარგებელმა შეადგინა 700.0 ათასი ლარი.2. 2010 წელს „ნ ფარმი +-ის“ მიერ იმპორტირებულ 8.65– ლარიან ვაქცინაში სააგენტომ გადაიხადა 18 ლარი. ამდენად, 605.5 ათასი ლარის ვაქცინა შეძენილია 1260.0 ათას ლარად. სხვაობამ შეადგინა 654.5 ათასი ლარი. ტენდერში "ნ ფარმი +"-ის გამარჯვებას ხელი შეუწყვეს შესყიდვაში ექსპერტებად ჩართულმა დაავადებათა კონტროლის ცენტრის ხელმძღვანელმა და მისმა მოადგილემ, რომლებმაც:1. 2009 წელს ტენდერიდან დისკვალიფიკაციის მიზნით, კონკურენტისაგან დაუსაბუთებლად მოითხოვეს დოკუმენტაცია, რომლის წარდგენა შეუძლებელი იყო;2. 2010 წელს ყალბი დასკვნით დაიწუნეს კონკურენტის წინადადება იმავე ხარისხის იაფფასიან პრეპარატზე, რათა ამ უკანასკნელს არ ჩაენაცვლებინა „ნ ფარმი +-ის“ პროდუქცია. სხვადასხვა წლებში, ვაქცინების მიწოდების პროცესში არაკოორდინირებული და შეუთანხმებელი ქმედების გამო ვაქცინების მოკლე პერიოდში გაუვარგისებით, სახელმწიფომ იზარალა 132.9 ათასი ლარი. სამინისტროს სისტემის თანამშრომლებმა სახელმწიფო ბიუჯეტს მიაყენეს მნიშვნელოვანი ზარალი, რამაც შეადგინა 1788.9 ათასი ლარი.

შვედი კოლეგები კონტროლის პალატაში

საქართველოს კონტროლის პალატას შვედეთის ეროვნული აუდიტორული ოფისის წარმომადგენლები ეწვივნენ. შვედი სტუმრები ქართველ კოლეგებთან ერთად ფინანსური აუდიტის ტესტირების ფაზის შესახებ სამუშაო შეხვედრებს გამართავენ.
აღნიშნული შეხვედრა პროექტის, „საქართველოს კონტროლის პალატასა და შვედეთის ეროვნულ აუდიტორულ ოფის შორის ინსტიტუციური განვითარების თანამშრომლობის,“ ფარგლებში ხორციელდება.v

საქართველოს კონტროლის პალატას საინფორმაციო ტექნოლოგიების ექსპერტი ეწვია.

საქართველოს კონტროლის პალატას შვედეთის ეროვნული აუდიტორული ოფისიდან საინფორმაციო ტექნოლოგიების ექსპერტი ეწვია. სტუმრობის მიზანი კონტროლის პალატაში საინფორმაციო ტექნოლოგიების მხრივ არსებული მდგომარეობის შესწავლა და ამ მიმართულებით სტრატეგიული გეგმის შემუშავებაა.

აღნიშნული შეხვედრა პროექტის, „საქართველოს კონტროლის პალატასა და შვედეთის ეროვნულ აუდიტორულ ოფისს შორის ინსტიტუციონალური განვითარების თანამშრომლობის,“ ფარგლებში ხორციელდება.

საქართველოს კონტროლის პალატის აუდიტორთა ეთიკის კოდექსი

საქართველოს კონტროლის პალატის რეფორმა გადამწყვეტ ფაზაშია.დღეს საქართველოს კონტროლის პალატის აუდიტორთა ეთიკის კოდექსის ხელის მოწერის ოფიციალური ცერემონიალი გაიმართა.აღნიშნული დოკუმენტი შემუშავებულია უმაღლესი აუდიტორული ორგანოების საერთაშორისო ორგანიზაციის (INTOSAI) მიერ აღიარებული ეთიკური სტანდარტების საფუძველზე. მისი მიზანია ხელი შეუწყოს თვისობრივად ახალი აუდიტორული მომსახურების განვითარებას, რომელიც ორიენტირებული იქნება იმაზე, რომ სახელმწიფო ფინანსების სფეროში შესაბამის პასუხიმგებელ პირებსა და ორგანოებს შესთავაზოს მაღალკვალიფიციური ექსპერტული რჩევები საჯარო ფინანსების მართვის გასაუმჯობესებლად. ამას გარდა, ეთიკის კოდექსის მიზანია ძირეული გარდატეხა მოახდინოს თავად კონტროლის პალატის მოსამსახურეთა ცნობიერებაში მათ პროფესიულ როლთან დაკავშირებით. მიუკერძოებლობა, პატიოსნება, პროფესიონალიზმი – ეს ის ფასეულობებია, რასთანაც ასოცირდება კონტროლის პალატის აუდიტორის პროფესია და თითოეულ თანამშრომელს ეკისრება ვალდებულება სრულად შეესაბამებოდეს მისი სამსახურებრივი სტატუსიდან გამომდინარე მოთხოვნებს.
იხილეთ: აუდიტორთა კოდექსი

აუდიტორთა ეთიკის კოდექსის პრეზენტაცია

10 სექტემბერს 11:00 სთ-ზე საქართველოს კონტროლის პალატაში ხელი მოეწერება საქართველოს კონტროლის პალატის აუდიტორთა ეთიკის კოდექსს. ხელმოწერის შემდგეგ კი, მისი პრეზენტაცია გაიმართება.

ი.ლომოურის მიწათმოქმედების ინსტიტუტის აუდიტის შედეგები

აუდიტმა გამოავლინა დარღვევები, რომელიც სახელმწიფო სახსრებისა და ქონების არამიზნობრივ გამოყენებასა და ხარჯვას უკავშირდება, რამაც მნიშვნელოვანი ზარალი მიაყენა სახელმწიფო ბიუჯეტს, კერძოდ:
1. ინსტიტუტი სამეცნიერო დანიშნულების 3000 ჰა მიწის ფართობიდან ამავე მიზნით იყენებდა მხოლოდ 15%-ს. დანარჩენი ფართობი გამოიყენებოდა სამეურნეო საქმიანობისათვის, ინსტიტუტის ხელმძღვანელთა პირადი ქონებრივი ინტერესების დასაკმაყოფილებლად, რისთვისაც მათ თვითნებურად გასწიეს 2664,8 ათასი ლარის არამიზნობრივი ხარჯი.
ინსტიტუტი ყოველწლიურად გამოუყენებლად აჩვენებს სახელმწიფოს საკუთრებაში არსებულ რამდენიმე ასეულ ჰა მიწის ფართობს (საშუალოდ 250 ჰა), რომელიც გამოიყენებოდა პირადი ქონებრივი მიზნით.
2. ძირითადი კულტურების მიხედვით (ხორბალი, ქერი, შვრია და ა.შ.) მიღებულად ნაჩვენებია მოსავლის მხოლოდ 62 %. მიუღებელი სხვაობის (38%) საბაზრო ღირებულება შეადგენს 3 207, ათას ლარს, რის გამოც სახელმწიფო ბიუჯეტს მოგების გადასახადის სახით დამატებით დააკლდა სულ მცირე 630,0 ათასი ლარი;
3. მოყვანილი კულტურების გაყიდვით მიღებული ამონაგები 746,5 ათასი ლარით ნაკლებია მინიმალურ საბაზრო ფასებზე;
4. ინსტიტუტი ეწევა მევენახეობასა და მეცხოველეობას, რომელიც არ არის დაკავშირებული სამეცნიერო საქმიანობასთან, და იგეგმება ზარალით, რამაც 265,0 ათას ლარამდე შეადგინა;
5. ინსტიტუტს საგადასახადო ორგანოებში რიგ წლებში არ წარუდგენია ქონებისა და მოგების გადასახადის დეკლარაციები. დეკლარაციების წარუდგენლობითა და გადასახადის შემცირებით სახელმწიფო ბიუჯეტისათვის მიყენებულმა ზარალმა შეადგინა 211,5 ათასი ლარი.
6. ინსტიტუტის კახეთის სადგურმა 2006 წელს 358,4 ათასი ლარით გაზარდა გამოქვითვები და, შესაბამისად, შეამცირა დასაბეგრი მოგება;
7. წესების დარღვევით იმართებოდა დებიტორულ დავალიანებები, უსაფუძვლოდ ჩამოიწერა 109,7 ათასი ლარის დავალიანება, ხოლო 85,9 ათასი ლარის დავალიანება საერთოდ არ ასახულა.
8. კანონმდებლობის დარღვევითაა განხორციელებული 2574,3 ათასი ლარის სახელმწიფო შესყიდვები.
9. მოქმედი კანონმდებლობის დარღვევით გაფორმებული ქირავნობისა და იჯარის ხელშეკრულებების საფუძველზე, 26,7 ათას ლარამდე თანხა სახელმწიფო ბიუჯეტის ნაცვლად, მიმართულია ინსტიტუტის ანგარიშზე;
10. კახეთის სადგურის ხელძღვანელის მოადგილეს იჯარით აქვს აღებული მის დაქვემდებარებაში არსებული 275 მიწის ფართობი საბაზროზე გაცილებით ნაკლებ ფასად, ჰა წლიურად 5 ლარის ოდენობით, რაც ინტერესთა კონფლიქტს წარმოადგენს.
ინსტიტუტის ხელმძღვანელთა ჯგუფი მეცნიერების სახელის მიღმა, სახელმწიფო ქონების ხარჯზე ეწევა კერძო სამეწარმეო საქმიანობას, რაც მნიშვნელოვან ზარალს აყენებს სახელმწიფო ბიუჯეტს, რამაც 9891,4 ათასი ლარი შეადგინა.
აუდიტის შედეგებიდან გამომდინარე, საქართველოს კონტროლის პალატა მიიჩნევს, რომ ინსტიტუტის სარგებლობაში არსებული სახელმწიფო ქონების ფლობა, თუნდაც აგრარული უნივერსიტეტის სისტემაში, სრულიად უმართებულოა და არ ემსახურება სახელმწიფოებრივ, საზოგადოებრივ, საგანმანათლებლო თუ სამეცნიერო ინტერესებს, რის გამოც აუცილებელია მისი ლიკვიდაცია, სახელმწიფო საწარმოს დაფუძნება, ან ქონების განსახელმწიფოებრიობა.

ჯანდასვის სამინსიტროს აუდიტი

საქართველოს კონტროლის პალატა აცხადებს განმეორებით აუქციონს

საქართველოს კონტროლის პალატა სახელმწიფო საკუთრებაში არსებული და საქართველოს კონტროლის პალატის სარგებლობაში მყოფი ავტო სატრანსპორტო საშუალებების და სხვა სამშენებლო ნარჩენების აუქციონის წესით პრივატიზების მიზნით აცხადებს განმეორებით აუქციონს.აუქციონის ფორმით საპრივატიზებოდ გასაყიდად განმეორებით გამოტანილი იქნება სახელმწიფო საკუთრებაში არსებული შემდეგი ავტო სატრანსპორტო საშუალებები და სხვა სამშენებლო ნარჩენები 10 ლოტად :
http://control.ge/news/id/126

საქართველოს კონტროლის პალატას შვედეთის ეროვნული აუდიტორული ოფისის წარმომადგენელი ეწვია

საქართველოს კონტროლის პალატას შვედეთის ეროვნული აუდიტორული ოფისის (SNAO) წარმომადგენელი ალექსანდრა პოპოვიჩი ეწვია, რომელიც კონტროლის პალატის თანამშრომლებისთვის ჩაატარებს სემინარს თემაზე: „სახელმწიფო ბიუჯეტის წლიური კონსოლიდირებული ანგარიშის აუდიტი.“აღნიშნული ღონისძიება საქართველოს კონტროლის პალატასა და შვედეთის სახელმწიფო აუდიტორულ ოფისს შორის 2010 წლის 23 მარტს გაფორმებული თანამშრომლობის მემორანდუმის ფარგლებში ტარდება.

გერმანული ტექნიკური თანამშრომლობის საზოგადოების წარმოამდგენელი კონტროლსი პალატაში

საქართველოს კონტროლის პალატას გერმანული ტექნიკური თანამშრომლობის საზოგადოების (GTZ) წარმომადგენლები მათიას მერინგი და ანია გენში ეწვივნენ. სტუმრები კონტროლის პალატის თანამშრომლებისთვის სამუშაო შეხვედრას ჩაატარებენ თმაზე: „კონტროლის პალატის შესახებ კანონის სამართლებრივი ანალიზი.“GTZ, უკვე რამოდენიმე წელია, რაც საქართველოს მხარდაჭერას უწევს პოლიტიკური და ეკონომიკური რეფორმების განხორციელებაში, იურიდიული სისტემების გაუმჯობესებისა და ადგილობრივი თვით-მმართველობების განვითარების საქმეში. ამჟამად მიმდინარეობს საქართველოს კონტროლის პალატის მხარდაჭერის პროექტი (2009 იანვარი - 2010 დეკემბერი), რომლის ძირითადი მიზანია დახმარება აღმოუჩინოს კონტროლის პალატას, საერთაშორისო სტანდარტების შესაბამისი აუდიტის მეთოდოლოგიის განვითარებაში.

კონტროლის პალატის დელეგაცია შვედეთში

2010 წლის 1-დან 3 სექტემბრამდე საქართველოს კონტროლის პალატის დელეგაცია, თავმჯდომარის, ლევან ბეჟაშვილის ხელმძღვანელობით, უმაღლესი აუდიტორული ორგანოს მენეჯმენტის თანამედროვე გამოცდილების გაზიარების მიზნით, სტუმრად ეწვევა შვედეთის სახელმწიფო აუდიტორულ ოფისს (SNAO-ს).აღნიშნულ საკითხთან დაკავშირებით შვედეთის სახელმწიფო აუდიტორულ ოფისში გაიმართება პრეზენტაციები თემაზე: „უმაღლესი აუდიტორული ორგანოს მენეჯმენტი“ და მას SNAO-ს გენერალური აუდიტორი ჟან ლანდალი და სხვა თანამდებობის პირები წარუძღვებიან.აღნიშნული ღონისძიება საქართველოს კონტროლის პალატასა და შვედეთის სახელმწიფო აუდიტორულ ოფისს შორის 2010 წლის 23 მარტს გაფორმებული თანამშრომლობის მემორანდუმის ფარგლებში ტარდება.აღნიშნული მემორანდუმი ითვალისწინებს საქართველოს კონტროლის პალატის დახმარებას - განახორციელოს კანონმდებლობით განსაზღვრული მანდატის შესაბამისი საქმიანობა და შეასრულოს ეფექტიანი როლი საქართველოს საჯარო მმართველობის სფეროში.

ლატვიის გენერალური აუდიტორი კონტროლის პალატაში

საქართველოს კონტროლის პალატას ვიზიტით ლატვიის სახელმწიფო აუდიტორული ოფისის გენერალური აუდიტორი ინგუნა სუდრაბა ეწვია. ვიზიტის ფარგლებში ხელი მოეწერა ხელშეკრულებას, რომელიც ლატვიელ კოლეგებთან ერთად სამი სამინისტროს ერთობლივი ფინანსური აუდიტის ჩატარებას ითვალისწინებს.ხელშეკრულების თანახმად, SAO (ლატვიის სახელმწიფო აუდიტორული ოფისი) კონტროლის პალატაში სამ ტრენერს მოავლენს, რომლებიც პალატის თანამშრომლებისთვის ფინანსურ აუდიტში პრაქტიკულ ტრენინგებს ჩაატარებენ.ფინანსური აუდიტი ლატვიელ კოლეგებთან ერთად შემდეგ სამინისტროებს ჩაუტარდება:
შრომის, ჯანდაცვისა და სოციალური უსაფრთხოების სამინისტრო
განათლებისა და მეცნიერების სამინისტრო
ინფრასტრუქტურისა და რეგიონული განვითარების სამინისტრო
ხელშეკრულება 2010 წლის 30 აგვისტოდან 2011 წლის 31 მაისამდე პერიოდს მოიცავს.

საბიუჯეტო შემოსავლების დაგეგმვის და ანალიზის სრულყოფის ძირითადი მიმართულებები

24 აგვისტო, 2010წ.
გიორგი ესაკია. პუბლიკაცია.

პრეზენტაციაზე წარმოდგენილია საბიუჯეტო შემოსავლების დაგეგმვის და ანალიზის პროცესში არსებული პრობლემები. მოყვანილია, მაგალითები სტატისტიკური ინფორმაციის სახით, რომლებიც ასაბუთებს აღნიშნული პრობლემების არსებობას და მათი გამოსწორების აუცილებლობას. წარმოდგენილია დაგეგმვისა და მობილიზების შეფასების სისტემის გაუმჯობესების რეკომენდაციები. დასკვნის სახით წარმოდგენილია შემოსავლების დაგეგმვისა და მობილიზების შესახებ ანგარიშებში შესატანი შეფასების ინდიკატორების კომპლექსი.

იხილეთ სრულ ივერსია http://control.ge/publications/

საბაჟო და საგადასახადო სისტემაში განხორციელებული რეფორმების ანალიზი

17 აგვისტო 2010წ.

გიორგი ესაკია. პუბლიკაცია.

წარმოდგენილია 2004-2009 წლებში ქვეყნის საგადასახადო და საბაჟო სისტემებში განხორციელებული რეფორმების ანალიზი, დასაბუთებულია მისი გატარების აუცილებლობა და განხილულია რეფორმების ძირითადი შედეგები,Mმოყვანილია სტატისტიკური ინფორმაცია რეფორმების განხორციელებამდე და მისი დასრულების შემდეგ, რომელიც ასახავს რეფორმების შედეგად მიღებულ ეკონომიკურ სარგებელს. შემაჯამებელი დასკვნების სახით მოყვანილია რეფორმების შემდგომი განხორციელების ძირითადი მიმართულებები.
იხილეთ სრული ვერსია http://control.ge/publications/

SAO-ს თავმჯდომარე კონტროლის პალატაში

საქართველოს კონტროლის პალატას ვიზიტით ლატვიის სახელმწიფო აუდიტორული ოფისის გენერალური აუდიტორი ინგუნა სუდრაბა ეწვია. ვიზიტის ფარგლებში ხელი მოეწერება ხელშეკრულებას, რომელიც ლატვიელ კოლეგებთან ერთად სამი სამინისტროს ერთობლივი ფინანსური აუდიტის ჩატარებას ითვალისწინებს.ხელშეკრულება 29 აგვისტოს ქუთაისში, კონტროლის პალატის სათაო ოფისში, გაფორმდება.

პრეზენტაციების და პუბლიკაციების გეგმა

პრეზენტაციები
1. თემა: საბიუჯეტო ანგარიშგების და დაგეგმვის გაუმჯობესება, მიხეილ კუკავა

თარიღი: 12 აგვისტო, 2010წ.

2. თემა: საბაჟო და საგადასახადო სისტემაში განხორციელებული რეფორმების ანალიზი, გიორგი ესაკია

თარიღი: 17 აგვისტო 2010 წ,

3. თემა: საბიუჯეტო კლასიფიკაციის გაუმჯობესება, მიხეილ კუკავა

თარიღი: 20 აგვისტო, 2010წ.

4. თემა: საბიუჯეტო შემოსავლების დაგეგმვის სრულყოფის ძირითადი მიმართულებები, გიორგი ესაკია

თარიღი: 24 აგვისტო, 2010წ.

5. თემა: საბიუჯეტო ხარჯვის კანონთან შესაბამისობა, მიხეილ კუკავა

თარიღი: 25 აგვისტო, 2010წ

6. თემა: რა აბრკოლებს უმაღლესი და შიდა აუდიტის რეფორმას საქართველოში (შედარებითი პერსპექტივა), მიხეილ კუკავა

თარიღი: 10 სექტემბერი, 2010წ.

7. თემა: საქართველოს ექსპორტის არსებული ტენდენციები და მისი ზრდის უზრუნველყოფის ძირითადი რეკომენდაციები, გიორგი ესაკია

თარიღი : 13 სექტემბერი, 2010წ.

8. თემა: საქართველოში განხორციელებული პირდაპირი უცხოური ინვესტიციების ანალიზი, გიორგი ესაკია

თარიღი: 26 სექტემბერი, 2010წ.

პუბლიკაციები
1. თემა: საჯარო ფინანსების რეფორმის საქართველოს ვალდებულებები და მათი შესრულების მდგომარეობა, მიხეილ კუკავა

წარდგენის თარიღი: 20 აგვისტო, 2010წ.

2. თემა: დამატებული ღირებულების გადასახადიდან მიღებული შემოსავლების ანალიზი, გიორგი ესაკია

წარდგენის თარიღი: 31 აგვისტო, 2010წ

3. თემა: ხარჯვის რაციონალიზება და საგადასახადო ადმინისტრირების გაუმჯობესება, მიხეილ კუკავა

წარდგენის თარიღი: 10 სექტემბერი, 2010წ.

4. თემა: საქართველოში არსებულ გადამხდელთა მიერ საგადასახადო ვალდებულებათა ნებაყოფლობით შესრულების ანალიზი და მისი გაუმჯობესების რეკომენდაციები, გიორგი ესაკია

წარდგენის თარიღი: 20 სექტემბერი, 2010წ.

პრეზენტაციები კონტროლის პალატაში

2010 წლის 12 აგვისტოდან, სამი თვის განმავლობაში, საქართველოს კონტროლის პალატის თანამშრომლები გაეცნობიან დაგეგმვისა და ანალიზის დეპარტამენტის მიერ მომზადებულ თემატურ პრეზენტაციებსა და პუბლიკაციებს.

წარმოდგენილ მასალაში ასახულია საქართველოში მიმდინარე სოციალური და ეკონომიკური ხასიათის პროცესები - არსებული მდგომარეობა და განსახორციელებელი რეფორმების საჭიროება. ეს უკანასკნელი მოიცავს შემდეგ თემებს: საბიუჯეტო კლასიფიკაციის გაუმჯობესება, საბიუჯეტო ხარჯვის კანონმდებლობასთან შესაბამისობა, საქართველოში განხორციელებული პირდაპირი უცხოური ინვესტიციების ანალიზი და სხვ.

გამჭვირვალობა საჯარო დაწესებულებებში

">

აუდიტი სახელმწიფო უნივერსიტეტში

">

2010 წლის 24-26 ივლისს, ორგანიზაცია GTZ

2010 წლის 24-26 ივლისს, ორგანიზაცია GTZ (გერმანული ტეკნიკური თანამშრომლობის საზოგადოება) საქართველოს კონტროლის პალატის თანამშრომლებისთვის ქ. ბათუმში მართავს სამუშაო შეხვედრას თემაზე: „ეფექტიანობის კვლევა საბიუჯეტო ორგანიზაციებში - სამართლებრივი საფუძვლები, საპილოტო აუდიტის მომზადება“.შეხვედრას გაუძღვება ბრემენის საანგარიშო პალატის წარმომადგენელი იენს გუზე.

SIGMA-ს სამუშაო შეხვედრა

2010 წლის 19-21 ივლისს, საქართველოს კონტროლის პალატაში, აუდიტორების სასწავლო პროგრამასთან დაკავშირებით, SIGMA-ს მისიის ფარგლებში სამუშაო შეხვედრებს მართავს მრჩეველი ფინანსური კონტროლისა და აუდიტის საკითხებში ბიანკა ბრეტეშე და ექსპერტი ვილჰელმ როტერსვორდი.

საქართველოს კონტროლის პალატა აჭარის ავტონომიურ რესპუბლიკაში იწყებს აუდიტორების შერჩევას

საქართველოს კონტროლის პალატა აჭარის ავტონომიურ რესპუბლიკაში იწყებს აუდიტორების შერჩევას.

1. საკვალიფიკაციო მოთხოვნები და უნარ–ჩვევები:

• უმაღლესი განათლება;
• აუდიტორად მუშაობის არანაკლებ 2 წლის სამუშაო გამოცდილება;
• ბუღალტრული აღრიცხვის საერთაშორისო/საქართველოს რეგულაციების ცოდნა;
• აუდიტის საერთაშორისო სტანდარტების ცოდნა;
• კომუნიკაციისა და პრეზენტაციის უნარი;
• გუნდური მუშაობის, გუნდში ლიდერობისა და პასუხისმგებლობის გადანაწილების უნარი;
• ანგარიშების მომზადება;
• ინგლისური ენის სრულყოფილი ცოდნა;
• საოფისე კომპიუტერული პროგრამების ცოდნა.


2. რეკომენდირებული თემატიკა:

1. საქართველოს კონსტიტუცია;
2. საქართველოს კანონი „საქართველოს კონტროლის პალატის შესახებ";
3. საქართველოს კანონი „საქართველოს საბიუჯეტო კოდექსი“;
4. საქართველოს ფინანსთა მინისტრის 2007 წლის 28 დეკემბრის N1321 ბრძანება
„ბიუჯეტების დაფინანსებაზე მყოფი ორგანიზაციების ბუღალტრული აღრიცხვის
შესახებ" ინსტრუქციის დამტკიცების თაობაზე.


დაინტერესებულმა პირებმა შერჩევის პირველი ეტაპისათვის უნდა წარმოადგინონ ავტობიოგრაფია/CV (საკონტაქტო ინფორმაციის, მათ შორის, ტელეფონის ნომრების მითითებით) და ორი სარეკომენდაციო წერილი (რეკომენდატორის სამუშაო ადგილის, თანამდებობის, ტელეფონის ნომრისა და ელფოსტის მითითებით). საბუთები მიიღება 2010 წლის 16 ივლისიდან 10 დღის ვადაში ელექტრონული ფოსტით: adjarahr.ccg@gmail.com

შერჩევის მეორე ეტაპი ჩატარდება აჭარის ავტონომიურ რესპუბლიკაში კონტროლის პალატის ადმინისტრაციულ შენობაში მისამართზე: ქ. ბათუმი, სულხან-საბა ორბელიანის ქ. № 7.
შერჩევაში მონაწილეობის მისაღებად დოკუმენტაციის წარმოდგენა, გასაუბრებაზე მოწვევა ან გასაუბრებაში მონაწილეობა არ ავალდებულებს საქართველოს კონტროლის პალატას შერჩევასთან დაკავშირებული გადაწყვეტილებები ინდივიდუალურად დაასაბუთოს ან გასცეს განმარტებები.

დამატებითი ინფორმაციისათვის დარეკეთ ქ. ბათუმში, შემდეგ ნომერზე: 4 71 95 .

უკრაინის საანგარიშო პალატის თაოსნობით შავი ზღვის დაბინძურებისგან დაცვის ერთობლივი სამუშაო შეხვედრა ჩატარდა

2010 წლის 23 ივნისს უკრაინის საანგარიშო პალატის თაოსნობით „შავი ზღვის დაბინძურებისგან დაცვის ერთობლივი, პარალელური აუდიტის“ ფარგლებში უკრაინის დედაქალაქ კიევში პირველი სამუშაო შეხვედრა ჩატარდა.
შეხვედრას საქართველოს კონტროლის პალატის, ასევე, თურქეთის, რუმინეთის, რუსეთისა და უკრაინის უმაღლესი აუდიტორული ორგანოებისა და უკრაინის გარემოს დაცვისა და ბუნებრივი რესურსების სამინისტროს წარმომადგენლები ესწრებოდნენ.
შეხვედრაზე ხაზი გაესვა ერთობლივი აუდიტის ძირითად მიზნებს, კერძოდ:
· საერთაშორისო ხელშეკრულებებით, მათ შორის, „შავი ზღვის დაბუნძურებისგან დაცვის კონვენციით“ ნაკისრი ვალდებულებებისა და ერთობლივი პროექტების ფარგლებში განხორციელებული იმ ღონისძიებების ეფექტიანობის შეფასება, რომლებიც მიმართულია შავი ზღვის დაბინძურების წინააღმდეგ. ასევე, ამ მიზნით გამოყოფილი სახსრების ეფექტიანი გამოყენების კვლევა და მონიტორინგი;
· შავი ზღვის აუზის დაბინძურების შესახებ ობიექტური ინფორმაციის მოპოვება-დამუშავება და შესაბამისი დასკვნის მოზადება;
· დაბინძურების შემცირებისა და მისი შედეგების ლიკვიდაციის მიზნით რეკომენდაციებისა და გასატარებელი ღონისძიებების შემუშავება;
შეხვედრის პარალელურად, 2010 წლის 24-25 ივნისს, გაიმართა უმაღლესი აუდიტორული ორგანოების ევროპული ორგანიზაციის (EUROSAI-ს) ფარგლებში შექმნილი სპეციალური ჯგუფის მე-2 შეხვედრა. აღნიშნული ჯგუფის საქმიანობის სფეროა „სტიქიური უბედურებების შედეგების სალიკვიდაციოდ გამოყოფილი სასხსრების აუდიტი.“

ვიზიტი ლატვიის სახელმწიფო აუდიტორულ ოფისში (17-20 ივნისი, 2010)

საქართველოს კონტროლის პალატის თავმჯდომარე ლევან ბეჟაშვილი, თანმხლებ პირებთან ერთად, ოფიციალური ვიზიტით ლატვიაში იმყოფებოდა.
აღნიშნული ვიზიტის ფარგლებში გაიმართა შეხვედრა ლატვიის პრეზიდენტთან ვალდის ზატლერსთან, ლატვიის პარლამენტის თავმჯდომარესთან გუნდარს დაუძესთან და პარლამენტის საჯარო ხარჯებისა და აუდიტის კომიტეტის თავმჯდომარესთან ანდრის ბერზინსთან.
ვიზიტის მიზანია საქართველოს კონტროლის პალატასა და ლატვიის სახელმწიფო აუდიტორულ ოფისს შორის თანამშრომლობის განვითარება. ორმხრივი ურთიერთობების გაღრმავება ემსახურება ორგანიზაციების პროფესიული გამოცდილების გაზიარებას. აუდიტის თანამედროვე მეთოდების დანერგვის მიზნით საქართველოს კონტროლის პალატა, ლატვიის უმაღლეს აუდიტორულ ოფისთან ერთად, რამდენიმე სამინისტროს მაგალითზე წარმართავს სახელმწიფო ბიუჯეტის შესრულების საპილოტე აუდიტს. აღნიშნული პროცესი შეეხება აუდიტის დაგეგმვის, განხორციელებისა და ანგარიშის შედგენის ეტაპებს.
ორმხრივი თანამშრომლობის განვითარების მიზნით, 17 ივნისს, ქ. რიგაში გაფორმდა ურთიერთგაგების მემორანდუმი, რომელიც ხელს შეუწყობს ორ უმაღლეს აუდიტორულ ორგანოს შორის თანამშრომლობის გაღრმავებას.

კონტროლის პალატას შვედეთის ეროვნული აუდიტორული ოფისის წარმომადგენლები ეწვივნენ

კონტროლის პალატას შვედეთის ეროვნული აუდიტორული ოფისის ეფექტიანობის აუდიტის ჯგუფი ეწვია. ჯგუფს ეფექტიანობის აუდიტის დეპარტამენტის უფროსის მოადგილე როდგერ ბანეფელდი ხელმძღვანელობს. სტუმრები 3-დან 7 მაისამდე სამუშაო შეხვედრებსა და სემინარებს ჩაატარებენ თემაზე: „ეფექტიანობის აუდიტის შინაარსი და მისი როლი სახელმწიფო მართვაში.“
აღნიშნული ვიზიტი 2010 წლის 23 მარტს შვედეთის ეროვნულ აუდიტორულ ოფისსა და საქართველოს კონტროლის პალატას შორის გაფორმებული ურთიერთგაგების მემორანდუმის საფუძველზე ხორციელდება.

საქართველოს პარლამენტის თავმჯდომარე კონტროლის პალატაში

16 ივნისს, ქუთაისში, საქართველოს პარლამენტის თავმჯდომარე დავით ბაქრაძე შეხვდა კონტროლის პალატის თავმჯდომარე ლევან ბეჟაშვილსა და პალატის თანამშრომლებს.შეხვედრისას განიხილეს საჯარო ფინანსების მართვის რეფორმების მიმდინარეობის პროცესი და კონტროლის პალატის 2009 წლის ანგარიშის ძირითადი მიმართულებები:
2009 წლიდანამოქმედდასაქართველოსკანონი „კონტროლისპალატისშესახებ“, რომელმაცძირეულადშეცვალა საქართველოს კონტროლის პალატის კომპეტენციის სფერო და უფლებამოსილება.
ახალი მანდატით კონტროლის პალატა საჯარო სექტორის აუდიტსა და საჯარო დაწესებულებების ექსპერტულ მომსახურებას ახორციელებს.
შეიქმნა დარგობრივი< მიმართულებების აუდიტის დეპარტამენტები.
კონტროლის პალატა იყო პირველი საჯარო დაწესებულება, რომელმაც საფუძველი ჩაუყარა კონტროლის პალატაში შიდა აუდიტის დეპარტამენტის შექმნას. კონტროლის პალატაში შეიქმნა აუდიტორ-სტაჟიორის საშტატო ერთეული, საკონკურსო შერჩევისა და სწავლების შემდგომ, 6 წარმატებული ახალგაზრდა საქართველოს კონტროლის პალატაში აუდიტორ-ასისტენტად აგრძელებს მუშაობას.
2009 წელს საერთაშორისო უმაღლესი აუდიტორული ორგანოების სტანდარტების მიხედვით იქნა შემუშავებული ფინანსური აუდიტის სტანდარტები, რომლითაც რეგულირდება კონტროლის პალატის აუდიტის პროცესი, მოხდა თანამშრომელთა გადამზადება, შეიქმნა (მომზადდა) კონტროლის პალატის ფინანსური აუდიტის სახელმძღვანელოს პროექტი.
საქართველოს კონტროლის პალატა საერთაშორისო სტანდარტების საფუძველზე წარმართავს რისკზე დაფუძნებულ აუდიტს და აუდიტის დროს არსებითი უზუსტობებისა და ნაკლოვანებების შეუმჩნეველად დარჩენის აუდიტორული რისკი პალატამ 2 %-ის ოდენობით განსაზღვრა.
კონტროლის პალატამ 2009 წლიდან აუდიტის ობიექტებში შიდა კონტროლის სისტემის შეფასება დაიწყო, რაც საჯარო ფინანსების მართვის პროცესს უფრო მოქნილსა და ეფექტიანს ხდის.
წინასწარ განსაზღვრული რისკების შეფასების პროცედურები საშუალებას იძლევა დაიზოგოს სამუშაო და დროის რესურსები.
აუდიტის აქტი გახდა გაცილებით სანდო, ადვილად აღსაქმელია და მოიცავს აუდიტის ობიექტის ყველა არსებით ასპექტს.
2009 წელს კონტროლის პალატამ ჩაატარა 243 აუდიტი და მოიცვა 4.5 მილიარდი ლარის ბიუჯეტი.
ჩატარებული აუდიტების შედეგად კონტროლის პალატამ გამოავლინა კანონმდებლობის დარღვევის 1 195 შემთხვევა.
კონტროლის პალატის აუდიტის შედეგად, საბიუჯეტო სახსრების დაზოგვასა თუ საბიუჯეტო შემოსავლების მატებაში კონტროლის პალატის წვლილმა 12 963 033 ლარი შეადგინა
ბიუჯეტმადამატებით5 315 352 ლარის შემოსავალი მიიღო;
გამოვლინდა 5 266 406 ლარისარამიზნობრივითუარაეფექტიანი ხარჯვის შემთხვევები;
სახელმწიფობიუჯეტს 2 381 275 ლარისდიდინაწილისმობილიზების შესაძლებლობა გაუჩნდა.
2009 წელს, კონტროლის პალატის აუდიტის შედეგად, დანაშაულის ნიშნების მქონე ქმედების აღმოჩენის 23 შემთხვევა გადაეცა სამართალდამცავ ორგანოებს. შედეგად: 21 პირი მიცემულია პასუხისგებაში, სახელმწიფოსათვის ანაზღაურებული ზიანის ოდენობამ 3 324 233 ლარი შეადგინა.
2009 წელს კონტროლის პალატის აუდიტის შედეგად აუდიტის ობიექტებმა გაატარეს მნიშვნელოვანი ღონისძიებები ნაკლოვანებათა აღმოსაფხვრელად და ბიუჯეტში დააბრუნეს 78 600 ლარი.
საქართველოს კონტროლის პალატის აუდიტის შედეგებზე დაფუძნებული საზოგადოებრივი დებატები გახდა ერთ-ერთი საფუძველი „სახელმწიფო შესყიდვების შესახებ“ ახალი კანონის მიღებისათვის.
საქართველოს კონტროლის პალატის აუდიტის შედეგებზე დაყრდნობით, საწარმოთა მართვის სააგენტომ დაიწყო მუშაობა სახელმწიფო საწარმოთა მართვის სისტემურ მოწესრიგებაზე.

საქართველოს კონტროლის პალატის 2009 წლის საქმიანობის ანგარიში

საქართველოს კონტროლის პალატის 2009 წლის საქმიანობის ანგარიში, რომელიც საქართველოს პარლამენტს გადაეგზავნება, მოიცავს შემდეგ საკითხებს:კონტროლის პალატის ახალი მანდატი და აუდიტის მეთოდოლოგია, აუდიტის საერთაშორისო სტანდარტები, სტრუქტურული რეორგანიზაცია, ახალი ინიციატივები და მიღწევები, საჭირო ცვლილებები კანონმდებლობაში და სხვ.ზემოხსენებულ ანგარიშში ნათქვამია, რომ საქართველოს კონტროლის პალატის საქმიანობის მთავარი და უცვლელი პრინციპებია: ობიექტურობა, დამოუკიდებლობა, საჯაროობა და პროფესიონალიზმი.იხ. საქართველოს კონტროლის პალატის 2009 წლის საქმიანობის ანგარიში http://control.ge/reports/annual-reports/

ქუთაისში საქართველოს კონტროლის პალატის ახალი სათაო ოფისი გაიხსნა

24 მაისს ქუთაისში საქართველოს კონტროლის პალატის ახალი სათაო ოფისი საზეიმოდ გაიხსნა.შენობის გახსნის ცერემონიალს მრავალ სტუმართან ერთად საქართველოს პრეზიდენტი, საქართველოს პარლამენტისა და საქართველოს მთავრობის წევრები დაესწრნენ.სადღესასწაულო ტორტი, რომელიც მიხეილ სააკაშვილმა გაჭრა, კონტროლის პალატის თანამშრომლებმა ქუთაისის ბავშვთა სახლს გადასცეს.
დღესდღეობით აპარატში სამოცამდე თანამშრომელია, უახლოეს მომავალში გამოცხადდება კონკურსი ორმოც ახალ ვაკანტურ თანამდებობაზე.შენობის მშენებლობა, კეთილმოწყობა და აღჭურვა ერთი წლის განმავლობაში მიმდინარეობდა და 3 მილიონამდე ლარი დაიხარჯა. აღნიშნული თანხა კონტროლის პალატის საბიუჯეტო ასიგნებებში წარმოშობილი ეკონომიიდან დაიფარა.
კონტროლის პალატის სათაო ოფისის მისამართია: ქ. ქუთაისი, ირაკლი აბაშიძის ქ. N 22

კონტროლის პალატაში აუდიტორ - სტაჟიორთა სასწავლო პროგრამა დაიწყო

ქუთაისში, საქართველოს კონტროლის პალატის სათაო ოფისში, აუდიტორ- სტაჟიორთა სასწავლო პროგრამა დაიწყო.
პროგრამაში მონაწილეობას 25 სტაჟიორი მიიღებს. ამჯერად სტაჟიორების შერჩევა კონტროლის პალატის მიერ 2009 წელს გამართულ აუდიტორ-სტაჟიორთა კურსების მსურველთა სარეზერვო ბაზიდან მოხდა.
სტაჟირება პროგრამის მონაწილეებს აუდიტორული უნარ-ჩვევების ათვისებაში დაეხმარება. კურსდამთავრებულებს შესაბამისი სერტიფიკატები გადაეცემათ, მათ შორის საუკეთესოები კი კონტროლის პალატაში დასაქმდებიან.
სტაჟირების პროგრამა კონტროლის პალატაში შემდგომშიც გაგრძელდება. დაინტერესებულ პირებს შეუძლიათ გამოგვიგზავნონ პირადი მონაცემები შემდეგ მისამართზე: kutaisi.ccg@gmail.com

GTZ-ის სემინარი

12 – 13 მაისს გერმანული ორგანიზაცია GTZ (გერმანული ტექნიკური თანამშრომლობის საზოგადოება) საქართველოს კონტროლის პალატის თანამშრომლებისთვის სემინარებს მართავს.
სემინარებს თემაზე: „ეფექტიანობის კვლევა,“ ბრემენის საანგარიშო პალატის წარმომადგენელი იენს გიუზე უძღვება და მას კონტროლის პალატის დეპარტამენტების უფროსები და აუდიტორები ესწრებიან.
სემინარები GTZ-ის საქართველოს კონტროლის პალატის მხარდაჭერის პროექტის ფარგლებში ხორციელდება.
მისამართი: ე. ახვლედიანის ქ. N4

კონტროლის პალატის დასკვნა სს "გუდაურის" შესახებ

საქართველოს კონტროლის პალატის თავმჯდომარის 2009 წლის 29 ოქტომბრის N135/43 და 26 ნოემბრის N142/43 ბრძანებებით სს „გუდაურში“ ჩატარებული თემატური აუდიტის შედეგად გამოვლინდა, რომ სს „გუდაურის“ მიერ სახელმწიფოსგან მიღებული 6 -მილიონიანი სესხი არამიზნობრივად იქნა დახარჯული. ზემოაღნიშნული სესხი გამოყოფილი იყო გუდაურის სამთო-გამაჯანსაღებელი კომპლექსის განვითარებისა და რეაბილიტაციისთვის.
ჩატარებული აუდიტის შედეგად სხვა მნიშვნელოვან შედეგებთან ერთად აღმოჩნდა, რომ სს „გუდაურის“ მიერ ვალები ხელოვნურად იქნა გაზრდილი. ასევე გაწეულ იქნა არახელსაყრელი, დაუსაბუთებელი, გაუმართლებელი და არამიზნობრივი ხარჯები. კერძოდ: შპს "ერთობლივი საწარმო გუდაურისგან“ შესყიდულ იქნა 280 000 ევროს ღირებულების ბიზნეს კონსულტაციის მომსახურება. იმავე შპს "ერთობლივი საწარმო გუდაურისგან“ სს „გუდაურის“ ხელმძღვანელობამ შეისყიდა სასტუმრო კომპლექსის მართვის (მენეჯმენტის) მომსახურება, რისთვისაც მთლიანობაში გადახდილ იქნა 292 600 ლარი. აქედან 95 580 ლარი ანაზღაურებულია კანონიერი საფუძვლის გარეშე.
ზემოხსენებული ხარჯები არ იყო გათვალისწინებული სს „გუდაურის“ 2007 წლის ბიზნეს-გეგმასა და მასზე თანდართულ საწარმოს მიზნობრივად გაწერილ საპროგნოზო ხარჯებში და არც შესაბამისი ცვლილებები განხორციელებულა ბიზნეს-გეგმაში. შესაბამისად, იგი წარმოადგენს არამიზნობრივად გაწეულ ხარჯებს.

საქართველოს კონტროლის პალატის 2009 წლის საფინანსო–ეკონომიკური საქმიანობის აუდიტის განმახორციელებელი საქართველოს პარლამენტის დროებითი კომისია საქართველ

25 მარტს საქართველოს კონტროლის პალატის 2009 წლის საფინანსო–ეკონომიკური საქმიანობის აუდიტის განმახორციელებელი საქართველოს პარლამენტის დროებითი კომისია საქართველოს კონტროლის პალატას ეწვევა. კომისიის წევრები დაესწრებიან პრეზენტაციას თემაზე: „აუდიტის საერთაშორისო სტანდარტების დანერგვის პროცესი კონტროლის პალატაში.“
საქართველოს კონტროლის პალატის 2009 წლის საფინანსო–ეკონომიკური საქმიანობის აუდიტის განმახორციელებელი საქართველოს პარლამენტის დროებითი კომისიის წევრები არიან: ბეჟან ბუცხრიკიძე (კომისიის თავმჯდომარე), პავლე კუბლაშვილი, ნიკოლოზ ლალიაშვილი, გიორგი მელაძე და სხვ.

ურთიერთანამშრომლობის მემორანდუმი

23 მარტს ხელი მოეწერა ურთიერთგაგების მემორანდუმს საქართველოს კონტროლის პალატასა და შვედეთის ეროვნულ აუდიტორულ ოფისს შორის. მემორანდუმზე ხელს კონტროლის პალატის თავმჯდომარემ ლევან ბეჟაშვილმა და შვედეთის აუდიტის ოფისის გენერალურმა აუდიტორმა ჟან ლანდალი მოაწერეს.

შვედეთის აუდიტის ოფისის დელეგაციის ვიზიტი საქართველოში

დღეს დაიწყო შვედეთის აუდიტის ოფისის დელეგაციის ოფიციალური ვიზიტი საქართველოში. დელეგაციას ხელმძღვანელობს შვედეთის აუდიტის ოფისის გენერალური აუდიტორი ჟან ლანდალი.
ვიზიტისას ხელი მოეწერება საქართველოს კონტროლის პალატას და შვედეთის აუდიტის ოფისს შორის ურთიერთთანამშრომლობის მემორანდუმს, დაგეგმილია შეხვედრები საქართველოს პარლამენტში და საქართველოს კონტროლის პალატაში.
შვედეთის აუდიტის ოფისის დელეგაციის ვიზიტი 26 მარტამდე გასტანს.

კონტროლის პალატის სტრატეგიის განახლების პროცესზე მუშაობა დაიწყო

2010 წლის 12-14 მარტს კონტროლის პალატის მმართველობითმა გუნდმა, საქართველოს შეფასების ასოციაცისათან/კომპანია EMC პარტნიორობით დაბა ბაზალეთში საქართველოს კონტროლის პალატის სტრატეგიის განახლების პროცესი დაიწყო.
ვორკშოფის მონაწილეებმა განიხილეს კონტროლის პალატის არსებული, 2009-2011 წლების სტრატეგია: მოხდა მიღწევების, აგრეთვე დასასრულებელი ამოცანების იდენტიფიკაცია; განისაზღვრა ახალი რეალობების შესაბამისი მიზნები. შეხვედრაზე კონტროლის პალატის წარმომადგენლებმა გაანალიზეს არსებული გარემო : გამოიკვეთა კონტროლის პალატის საქმიანობის სუსტი და ძლიერი მხარეები.
კონტროლის პალატის მისია და ღირებულებები, რომლებსაც დაეფუძნება სტრატეგია, რჩება უცვლელი. კონტროლის პალატის მისიაა: დაეხმაროს საქართველოს უმაღლეს საკანონმდებლო ორგანოს მოქალაქეთა სასიკეთოდ საპარლამენტო კონტროლის განხორციელებაში. რაც შეეხება ღირებულებებს: ობიექტურობა, დამოუკიდებლობა, საჯაროობა და პროფესიონალიზმი - არის ის ღირებულებები, რომლებზეც იქნება დაფუძნებული კონტროლის პალატის სტრატეგია და საქმიანობა.
აღნიშნულის საფუძველზე ვორქშოფის მონაწილეებმა დაიწყეს ინტსტიტუციონალური და სტრუქტურული ერთეულების დონის სტრატეგიული მიზნების შესაბამისი შედეგების, მათი შეფასების კრიტერიუმებისა და სამოქმედო გეგმების ჩამოყალიბების, აგრეთვე გადაწყვეტილებებისა თუ საქმიანობის ვადების განსაზღვრის პროცესი.
კონტროლის პალატის სტრატეგიის განახლების – ახალი სტრატეგიისა და სამოქმედო გეგმების შემუშავების პროცესის დასრულება მიმდინარე წლის აპრილში იგეგმება.
კონტროლის პალატის სტრატეგია წარედგინება საქართველოს პარლამენტს და საერთაშორისო დონორ ორგანიზაციებს. დაინტერესებულ პირებს სტრატეგიის გაცნობა კონტროლის პალატის ვებგვერდზე შეეძლებათ.

პარლამენტში ბიუჯეტის შესრულების ფინანსური აუდიტის პროგრამა

საქართველოს პარლამენტში საქართველოს 2009 წლის სახელმწიფო ბიუჯეტის შესრულების ფინანსური (კამერალური) აუდიტის პროგრამა:
შესწავლილ და გაანალიზებულ იქნეს:
1. მიღებული საბიუჯეტო სახსრების ხარჯვის მდგომარეობა:

1.1 წლიური საბიუჯეტო კანონით გათვალისწინებულ ასიგნებებში ცვლილებების შეტანის, აგრეთვე საბიუჯეტო კლასიფიკაციის მუხლებსა და კოდებს შორის გადანაწილების მდგომარეობა და კანონიერებალ

1.2 დაზუსტებული ბიუჯეტის შესრულების მდგომარეობა საბიუჯეტო კლასიფიკაციის ცალკეული მუხლების მიხედვით;

1.3 საქართველოს სახელმწიფო ბიუჯეტით გათვალისწინებული სარეზერვო ფონდებიდან გამოყოფილი სახსრების ხარჯვის მდგომარეობა;

1.4 გრანტების (ფულადი და სასაქონლო) მიღების, აღრიცხვის და გამოყენების მდგომარეობა;

2. ფინანსური და არაფინანსური აქტივებისა და ვალდებულებების ცვლილება (ზრდა/კლება):

2.1 არაფინანსური აქტივების ცვლილება;

2.2 დებიტორ–კრედიტორების ცვლილება

რომელ ინვესტორებს ჩამოერთმევათ ობიექტები

სახელმწიფო საწარმოს პრივატიზაციის შემდეგ ინვესტორთა მიერ ვალდებულებათა შესრულების გაკონტროლება ეკონომიკის სამინისტროს პირდაპირი მოვალეობაა. თუმცა, გავრცელებული ინფორმაციის თანახმად, მოცემულ საქმიანობაში კონტროლის პალატაც აქტიურად ჩაერთვება და სახელმწიფო საწარმოთა მფლობელ ინვესტორებს გააკონტროლებს.
შეგახსენებთ, რომ 2009 წელს კონტროლის პალატამ სახელმწიფო საწარმოთა აუდიტი ჩაატარა. აუდიტმა ცხადყო, რომ არსებული 1400 საწარმოდან დაახლოებით 320 მათგანი იყო მომგებიანი, დანარჩენები კი საერთოდ არ ფუნქციონირებდნენ, ანდა წელს ზარალით ასრულებდნენ. ამის შედეგად არაერთი საწარმოს მფლობელი იქნა სახელმწიფო საკუთრების გაფლანგვაში ეჭვმიტანილი, რასაც მათი დაპატიმრება მოჰყვა.
ძნელი სათქმელია, გამოიღებს თუ არა შედეგს კონტროლის პალატის საქმიანობა, ანდა რაოდენ მკაცრად გაკონტროლდებიან ინვესტორები. თავისთავად, საკითხის გარშემო არაერთი კითხვა გაჩნდა, რომლებზეც პასუხების მისაღებად კონტროლის პალატის თავმჯდომარეს, ბატონ ლევან ბეჟაშვილს დავუკავშირდით:

- ბატონო ლევან, რომელ ინვესტორებს შეეხება კონტროლის პალატის შემოწმება მხოლოდ იმ კომპანიებს, რომელთა პრივატიზაციაც მომავალში მოხდება, თუ უკვე პრივატიზებული ობიექტების მფლობელებსაც?

- სამთავრობო დაწესებულებების მიერ მათზე დაკისრებული ვალდებულებების შესრულების, საჯარო სიკეთისა და ფინანსების მართვის მონიტორინგი ჩვენი პირდაპირი მოვალეობაა. ამდენად პრივატიზაციისას ინვესტორთა მიერ ნაკისრი ვალდებულებების შესრულებაზე მონიტორინგის განმახორციელებელი ყველა დაწესებულების საქმიანობის შესწავლა მოხდება.

- კონკრეტულად რა ელით იმ ინვესტორებს, რომლებიც არ ასრულებენ ან არ შეასრულებენ მათზე დაკისრებულ ვალდებულებებს? მოხდება მათი დაჯარიმება თუ მათთვის გადაცემული ქონების ჩამორთმევა?

- ახალი მანდატით კონტროლის პალატა არ გახლავთ ის ორგანო, რომელსაც რაიმე სახის სანქციის გამოყენება შეუძლია. ამ კონკრეტულ შემთხვევაში კი ვალდებულებების შეუსრულებლობის დადასტურებისას ეკონომიკური განვითარების სამინისტრო გახლავთ ის ორგანო, რომელსაც აქვს შესაბამისი გადაწყვეტილებების მიღების უფლებამოსილებაც და ვალდებულებაც.

- ექსპერტთა ნაწილის აზრით, ეკონომიკის სამინისტრო საპრივატიზაციო ხელშეკრულებების ნაწილს ასაიდუმლოებს. მათ შორის სახელდება თბილისის აეროპორტის თურქ ოპერატორთან `ტავ ურბან ჯორჯიასთან~, ჰოსპიტალური სექტორის მონაწილე კომპანია `ბლოკ ჯორჯიასთან~ და `კალა კაპიტალთან~ დადებული ხელშეკრულებები. აპირებს თუ არა კონტროლის პალატა ამ კომპანიებთან დადებული ხელშეკრულებების და მათ მიერ ნაკისრი ვალდებულებების საკითხის შესწავლას?

- კონტროლის პალატა აუდიტს წარმართავს ყველა იმ მნიშვნელოვანი მიმართულებით, რომელიც ჯერ კიდევ 2010 წლის დაწყებამდე განვაცხადეთ საჯაროდ და რომლებიც საზოგადოებრივი ინტერესის საგანია; ამ პროცესში კი გარწმუნებთ პალატისთვის ხელმიუწვდომელი ინფორმაცია არ იარსებებს, ხოლო აუდიტის შედეგები კი, დადგენილ ფარგლებში საჯარო გახდება. მნიშვნელოვანი რესურსის პრივატიზება განხორციელდა თბილისს გარეთ, შედეგები კი ჯეროვნად არ არის გაანალიზებული ამდენად ჩვენს მიერ გაცხადებული პრიორიტეტის ფარგლებში უმთავრესად შევისწავლით საქართველოს რეგიონებში განხორციელებული პრივატიზების შედეგებს.

- როდის დაიწყება კონტროლის პალატის მიერ ინვესტორების მიერ ნაკისრი ვალდებულებების შესწავლას?

- როგორც აღვნიშნე, ინვესტორთა მიერ ნაკისრი ვალდებულებების შესრულების მონიტორინგი ეკონომიკური განვითარების სამინისტროს დისკრეციაა, თუმცა ამ უფლებამოსილების განხორციელების ეფექტურობა ხვდება კონტროლის პალატის მანდატში. რამდენადაც ინფორმირებულნი ვართ სამინისტრო მიმართულებით პერმანენტულად მუშაობს, შედეგებზე კი ჩვენ საზოგადოებასთან ერთად ვიმსჯელებთ.

აღსანიშნავია, რომ 2010 წელს ეკონომიკის სამინისტრომ 20-მდე ინვესტორთან ხელშეკრულება გააუქმა, ამ უკანასკნელთა მიერ ვალდებულებათა შეუსრულებლობის გამო. სამინისტროში, ჯერჯერობით, არ არსებობს სრული სია კონკრეტულად რამდენი კომპანია თუ ინვესტორი დაჯარიმდა და რა თანხით. ჩვეულებისამებრ, კომპანია რაიმე ობიექტს შემდეგში მასში ინვესტირების მოთხოვნით ყიდულობს. თუმცა, ეკონომიკის სამინისტროში განაცხადეს, რომ ეს მხოლოდ მაშინ ხდება, თუკი ამას ინვესტორთან დადებული ხელშეკრულება ითვალისწინებს. ასევე, ხელშეკრულების დამრღვევი ინვესტორის მიერ საწყის ეტაპზე გადახდილი თანხა, ე.წ `ბე~ სახელმწიფოს რჩება. ფაქტობრივად, სახელმწიფოს ინვესტორების მიერ ვალდებულებათა შეუსრულებლობის საწინააღმდეგო სხვა ბერკეტები არ გააჩნია. კონკრეტულად თუ რა ცვლილებებს მოიტანს ამ საქმეში კონტროლის პალატის აქტიური ჩარევა, დრო გვიჩვენებს.
გასათვალისწინებელია, რომ 2010 წელს კონტროლის პალატას არცთუ ცოტა სამუშაოს შესრულება მოუწევს, რადგან პრივატიზაციის დეპარტამენტის ხელმძღვანელის ინფორმაციით ამ წელს გასაყიდად 300-მდე ობიექტს გაიტანენ. მთავრობა პრივატიზაციისგან წელს 14 მილიონის მობილიზებას ელოდება.

პრეზიდენტის ადმინისტრაციის შემოწმება დაიწყო

საქართველოს საქართველოს პრეზიდენტის ადმინისტრაციაში საქართველოს 2009 წლის სახელმწიფო ბიუჯეტის შესრულების ფინანსური აუდიტის პროგრამა:

შესწავლილ იქნეს:

1. ბიუჯეტის შესრულების მდგომარეობა ეკონომიკური კლასიფიკაციის ცალკეული მუხლების მიხედვით.

2. საქართველოს სახელმწიფო ბიუჯეტით გათვალისწინებული სარეზერვო ფონდებიდან გამოყოფილი სახსრების ხარჯვის მდგომარეობა.

3. ფინანსური და არაფინანსური აქტივების და ვალდებულებების ცვლილება (ზრდა/კლება).

საქართველოს შრომის, ჯანმრთელობისა და სოციალური დაცვის სამინისტროში 2009 წლის ბიუჯეტის შესრულების ფინანსური აუდიტის პროგრამა

მოსახლეობის ჯანმრთელობის დაცვისათვის ხელშეწყობა თუ უზრუნველყოფა სახელმწიფოს მთავარი პრიორიტრეტთაგანია, რომლის უზრუნველსაყოფადაც 2008-2009 წლებში გადაიდგა პირველი ნაბიჯები სისტემური ცვლილებებისათვის. საქართველოს კონტროლის პალატა მიიჩნევს, რომ ამ სფეროში დანერგილი სიახლეების შედეგების აუდიტის საფუძველზე სახელმწიფო მიიღებს იმ რეკომენდაციებს, რომლებიც გააადვილებს გადაწყვეტილებების მიღებას.

საქართველოს საქართველოს შრომის, ჯანმრთელობისა და სოციალური დაცვის სამინისტროში 2009 წლის ბიუჯეტის შესრულების ფინანსური (გასვლითი) აუდიტის პროგრამა:

შესწავლილი და გაანალიზებული იქნას:

1. მიღებული საბიუჯეტო სახსრების ხარჯვის მდგომარეობა
1.1. წლიური საბიუჯეტო კანონით გათვალისწინებულ ასიგნეებებში ცვლილებების შეტანის, აგრეთვე საბიუჯეტო კლასიფიკაციის მუხლებსა და კოდებს შორის გადანაწილების მდგომარეობა და კანონიერება;
1.2. დაზუსტებული ბიუჯეტის შესრულების მდგომარეობა საბიუჯეტო კლასიფიკაციის ცალკეული მუხლების მიხედვით.
1.3. საქართველოს სახელმწიფო ბიუჯეტით გათვალისწინებული სარეზერვო ფონდებიდან გამოყოფილი სახსრების ხარჯვის მდგომარეობა.
1.4. გრანდეტიბს (ფულადი და სასაქონლო), ჰუმანიტარული დახმარებების და საქართველოს კანონმდებლობით დადგენილი სხვა შემოსავლების მიღების, აღრიცხვის და გამოყენების მდგომარეობა.
1.5. ფინანსური ანგარიშებისა და ანგარიშგების შედგენისა და წარდგენის კანონიერება.
2. ფინანსური და არაფინანსური აქტივებისა და ვალდებულებების ცვლილება (ზრდა/კლება):

9 მარტიდან საგარეო საქმეთა სამინისტროს შემოწმება დაიწყო

იმის გათვალისწინებით, რომ სახელმწიფო ბიუჯეტით საქართველოს საგარეო საქმეთა სამინისტროსათვის გათვალისწინებულ ასიგნებებში 80%-მდე განკუთვნილია საქართველოს დიპლომატიური წარმომადგენლობების დაფინანსებისთვის, საქართველოს კონტროლის პალატა პრიორიტეტულად მიიჩნევს საქართველოს დიპლომატიური წარმომადგენლობების აუდიტის პროცესის დაწყებას.

საქართველოს საგარეო საქმეთა სამინისტროში საქართველოს 2009 წლის სახელმწიფო ბიუჯეტის შესრულების ფინანსური აუდიტის პროგრამა:

შესწავლილ იქნეს:

1. წლიური საბიუჯეტო კანონით განსაზღვრული ხარჯების ეკონომიკური კლასიფიკაციით გათვალისწინებული ასიგნებების შესრულების მდგომარეობა;

2. საქართველოს სახელმწიფო ბიუჯეტით გათვალისწინებული სარეზერვო ფონდებიდან გამოყოფილი სახსრების ხარჯვის მდგომარეობა.

3. მიღებული გრანტების აღრიცხვის და გამოყენების მდგომარეობა.

4. ფინანსური და არაფინანსური აქტივების და ვალდებულებების ცვლილება ( ზრდა/კლება)

9 მარტს საზოგადოებრივი მაუწყებლის შემოწმება იწყება

საქართველოს კონტროლის პალატა 09.03.10-08.05.10 იწყებს საზოგადოებრივი მაუწყებლის ფინანსური/შესაბამისობის აუდიტს

საჯარო სამართლის იურიდიული პირი - ,,საზოგადოებრივი მაუწყებლის’’ 2007 წლის 1 იანვრიდან 2010 წლის 1 იანვრამდე პერიოდის საფინანსო-ეკონომიკური საქმიანობის ფინანსური და შესაბამისობის (გასვლითი) აუდიტის

პ რ ო გ რ ა მ ა

შესწავლილ იქნას:

1. გადასახდელების სახეების მიხედვით ბიუჯეტიდან გამოყოფილი ასიგნებების ხარჯვის კანონიერება;

2. წლიური საბიუჯეტო კანონით დამტკიცებული ასიგნებების მთლიან მოცულობაში განხორციელებული ცვლილებებისა და დამტკიცებული ასიგნებების ფარგლებში გადანაწილების და მოქმედ ნორმატიულ აქტებთან შესაბამისობის, აგრეთვე მაუწყებლის მიერ ვალდებულებების აღებისა და ხარჯების გაწევის არსებული წესების შესრულების მდგომარეობა;

3. ბიუჯეტით გათვალისწინებული ფონდებიდან სახსრების გამოყოფისა და მიზნობრივად ხარჯვის მდგომარეობა;

4. კრედიტების, გრანტებისა (ფულადი და სასაქონლო) და ჰუმანიტარული დახმარებების მიღების, აღრიცხვისა და მიზნობრივად გამოყენების მდგომარეობა;

5. სახელმწიფო შესყიდვების შესახებ მოქმედი კანონმდებლობის მოთხოვნების შესრულების მდგომარეობა;

6. მოთხოვნებისა და ვალდებულებების (დებიტორ-კრედიტორების) ბუღალტრული აღრიცხვის სტანდარტებთან შესაბამისობა;

7. სახელმწიფო ქონების აღრიცხვის, შენახვის, მოვლა-პატრონობისა და გამოყენების მდგომარეობა;

8. ეკონომიკური საქმიანობიდან მიღებული სახსრების აღრიცხვისა და ხარჯვის კანონიერების მდგომარეობა;

9. ბუღალტრული აღრიცხვის წარმოებისა და ფინანსური ანგარიშების შედგენის სისრულე და შესაბამისობა მოქმედ სტანდარტებთან.